Müəllif:Mehin Qasımova/Banco.az
Dünya Bankı Qrupu kritik hökumət xidmətlərini saxlamaq üçün Ukraynaya əlavə 760 milyon dollar qrant ayırdığını açıqlayıb.
Banco.az xəbər verir ki, Bankdan verilən açıqlamada, 760 milyon dollarlıq ianə dəstəyinin Ukraynaya milli və regional səviyyədə kritik dövlət xidmətlərini saxlamağa kömək etmək üçün veriləcəyi bildirilib.
"Bu qrant müəllimlərə, ilk müdaxilə edənlərə və fövqəladə hallar xidmətinin əməkdaşlarına əməkhaqqı dəstəyini, habelə məcburi köçkünlərə və qocalara sosial yardımı davam etdirən layihə çərçivəsində altıncı əlavə maliyyədir”, - məlumatda deyilir.
Açıqlamada, Dünya Bankının bu günə qədər səfərbər etdiyi dəstəyin 15 milyondan çox ukraynalıya əsas xidmətlərin göstərilməsinə imkan verdiyi və müvafiq layihəyə Ukraynanın Yardım, Bərpa, Yenidənqurma və İslahat Etimad Fondu daxil olduğu vurğulanıb. Avstriya, Belçika, Kanada, Danimarka, İslandiya, İndoneziya, İrlandiya, Finlandiya, Almaniya, Yaponiya, Hollandiya, Norveç, Latviya, Litva, İspaniya, İsveç, İsveçrə, Cənubi Koreya, Birləşmiş Ştatların töhfələri ilə dəstəkləndiyi qeyd edilib.
Bəyanatda deyilir ki, bugünkü qrantla Dünya Bankı Qrupu Ukrayna xalqını dəstəkləmək üçün təcili maliyyələşdirmə üçün təxminən 42 milyard dollar səfərbər edib.
Bizi sosial şəbəkələrdən izləyin!!
