Azərbaycan Kredit Bürosunda kredit təşkilatları tərəfindən həyata keçirilən sorğuların sayı 37 faiz artmışdır | Banco.az

Azərbaycan Kredit Bürosunda kredit təşkilatları tərəfindən həyata keçirilən sorğuların sayı 37 faiz artmışdır

30.06.2019 tarixinə olan məlumata əsasən Azərbaycan Kredit Bürosu (Büro) ilə müqavilə imzalamış təşkilatların sayı 126-yaçatmışdır. Hesabat dövrü ərzində 6 yeni təşkilat, o cümlədən1 bank olmayan kredit təşkilatı, 2 lizinq şirkəti, 2 kredit ittifaqı və 1 nisyə mal alqı-satqısı ilə məşğul olan hüquqi şəxsilə müqavilə imzalanmış və Büro sisteminə inteqrasiya edilmişdir.

2019-cu ilin ilk yarımiliərzində Büronun sistemindən 30 bank və 40 BOKT istifadə etmişdir. Qeyd olunan müddətdə Büroda banklar və BOKT-lar tərəfindən 1,301,606 sorğu həyata keçirilmişdir. Bu göstərici ötən ilin eyni dövrü ilə müqayisədə kredit təşkilatları tərəfindən həyata keçirilmiş sorğuların sayından 37 faiz çoxdur. Qeyd edək ki, 2018-ci ilin müvafiq dövründə anoloji sistemdən kredit təşkilatları tərəfindən 952,987 sorğu yerinə yetirilmişdir.

Ən sərfəli kredit üçün müraciət et

Büroda aparılmış sorğuların 1,162,865-i (və ya 89%-i) banklar, 138,741-i (və ya 11%-i) isə bank olmayan kredit təşkilatları tərəfindən həyata keçirilmişdir.

Büronun skorinq xidmətindən isə 6 ay ərzində ümumilikdə 851,607 sayda istifadə qeydə alınmışdır ki, bu da ümumi sorğuların 65%-ni təşkil etmişdir.

Qeyd olunan dövr ərzində 13,827 şəxs Büroya müraciyyət edərək öz kredit hesabatlarını əldə etmişdir. Müraciət etmiş şəxslərin 13,751-i (və ya 99,5%-i) fiziki, 76-i (vəya 0,5%-i)  isə hüquqi şəxslər olmuşdur.

Ən sərfəli krediti almaq üçün müraciət et

Bank işi kursları

Banco Academy

Qeydiyyatdan keç