Azərbaycan BOKT-unun zərəri azalıb | Banco.az

Azərbaycan BOKT-unun zərəri azalıb

“Kredeks” MMC bank olmayan kredit təşkilatı (BOKT) 2017-ci ili 47 min manat zərərlə başa vurub.

BOKT-un maliyyə hesabatına görə, bu, 2016-cı ilə nisbətən 73% azdır.

Ötən il “Kredeks”in gəlirləri 149 min manat, o cümlədən faiz gəlirləri 133 min manat, xərcləri 189 min manat, o cümlədən faiz xərcləri 47 min manat, xüsusi ehtiyatlara ayırmaları isə 7 min manat təşkil edib.

Bu il yanvarın 1-nə “Kredeks”in aktivləri 443 min manat olub ki, bu da illik müqayisədə 19,5% azdır. Bunun 388 min manatı müştərilərə verilmiş xalis kreditlərdir. 2017-ci ildə BOKT-un kredit portfeli 17,8% kiçilib.

Hesabat dövründə “Kredeks”in öhdəlikləri 15,9% azalaraq 317 min manata, balans kapitalı isə 27,2% azalaraq 126 min manata düşüb.

© “Renkinq” 

Bankirə sual

BANKİRƏ SUAL VER

Bank işi kursları

Banco Academy

Qeydiyyatdan keç