Müəllif:Mehin Qasımova
Avropanın ən böyük qaz yatağı bağlanır.
Banco.az az xəbər verir ki, bu barədə İz.ru xəbər verib.
Belə ki, oktyabrın 1-də Hollandiyada əsas qaz yatağı bağlanır.
Müharibədən sonrakı illərdə Hollandiyanın sürətli inkişafının səbəblərindən birinə çevrilən, Qərbi Avropada ən böyük karbohidrogen mənbəyi öz fəaliyyətini dayandırır.
1959-cu ildə xüsusilə Schonnebeek neft yatağının kəşfi ilə tanınan Hollandiyanın NAM neft şirkəti neft axtarışları zamanı ölkənin şimal-şərqində, eyniadlı əyalətin Qroningen şəhəri yaxınlığında böyük qaz ehtiyatları aşkar etdi. Dörd il sonra yataqda ilk qaz hasil edildi. Bu, ölkənin təbii qaza olan tələbatını ödəmək üçün kifayət idi. Beləliklə, Hollandiya bir gecədə Avropada ən böyük karbohidrogen ixracatçısı oldu. Konkret olaraq, 1970-ci illərdə təxminən 50-60 milyard kubmetr qaz ixrac edilib ki, bu da Qərbi Avropanın ümumi tələbatının təxminən 20%-ni təşkil edirdi. 70-80-ci illərdə krallıqda iqtisadi artım kifayət qədər güclü idi və öz neft və qaz ehtiyatlarının olması Hollandiyanı 1973-cü ildə OPEK-in boykotundan sonra Qərb dünyasının əksər hissəsini vuran yanacaq böhranından qorudu.
Lakin Hollandiya hökumətinin yeni planında hasilatın 2022-ci ildə 7,5 milyard kubmetrə qədər, nəhayət, 2030-cu ildə isə sıfıra endirilməsi nəzərdə tutulur. Bu, qalıq yanacaqları bərpa olunan enerji mənbələri ilə əvəz etmək üçün müxtəlif yaşıl planlara uyğun gəlir.
Ancaq hələ qaz yatağı 100% bağlanmayacaq. Qarşıdan gələn qış və yaz aylarında daxili Avropa bazarında qaz qıtlığı yaranarsa, qazanc əldə etmək üçün 12 qazma qurğusu daimi hazırlıq vəziyyətində olacaq. Avadanlıq bir ildən sonra - 2024-cü ilin oktyabrında tamamilə söküləcək.
Ekspertlərin fikirincə, bir çox məsələlər bu qışın nəticələrindən asılı olacaq: əgər həqiqətən də bazarda qıtlıq olarsa, o zaman bu dəfə yataqla bağlı planlar başqa istiqamətə keçə bilər. Avropalılar daha çox xarici təchizatçılara etibar etməli olacaqlar - indiki şəraitdə bunlar ABŞ , Qətər və Əlcəzairdir. Bu o deməkdir ki, Avropa qaz bazarında qiymətlər uzunmüddətli orta göstəricilərdən yuxarı qalacaq.
Bizi sosial şəbəkələrdən izləyin!!
