Müəllif: Tamara Mustafayeva, Banco.az
Amazon süni intellekt şirkəti “Anthropic”ə 4 milyard dollar sərmayə qoyacaq.
Banco.az xəbər verir ki, ABŞ-ın e-ticarət və texnologiya şirkəti “Amazon” süni intellekt startapı “Anthropic”ə 4 milyard dollara qədər sərmayə qoyacağını açıqlayıb.
Əldə edilən razılaşmaya görə, “Amazon” əməkdaşları və bulud hesablama müştəriləri “Anthropic” texnologiyasına erkən giriş əldə edəcək və ondan öz bizneslərində istifadə edə biləcəklər.
San-Fransiskoda yerləşən “Anthropic” şirkəti “Amazon”dan alacağı böyük miqdarda fərdi mikroçiplərdə gələcək süni intellekt modellərini sınaqdan keçirmək də daxil olmaqla, ilk növbədə “Amazon”un bulud xidmətlərinə üstünlük verməyi öhdəsinə götürüb.
“Amazon”un bulud departamenti və 2Anthropic”in CEO-ları birgə müsahibələrində nağd şəkildə ediləcək investisiyanın ilk hissəsinin 1,25 milyard dollar olacağını və hər iki tərəfin “Amazon”dan əlavə 2,75 milyard dollar təmin etmək səlahiyyətinin olduğunu açıqlayıblar.
Bizi sosial şəbəkələrdən izləyin!!
