Müəllif: Tamara Mustafayeva, Banco.az
Hellouin bayramı yaxınlaşarkən “Airbnb” istifadəçilərini Şrekin Şotlandiyadakı evinə dəvət edir.
Yəqin ki, məşhur "Shrek" cizgi serialının bataqlıq evini hamı tanıyır. Seriala baxarkən bir çoxumuz təcrid olunmuş meşədə yerləşən bu bataqlıqda bir gecə qalmağı xəyal etmiş ola bilərik. “Airbnb” bu arzunu həyata keçirmək üçün qollarını çırmalayıb.
Banco.az xəbər verir ki, şirkət Şotlandiyanın dağlıq ərazisinin mərkəzində yenidən yaradılmış Yaşıl Ogre Bataqlığında iki gecə yaşamaq şansı qazanacaq üç nəfərə qədər qonağı qəbul edəcək.
Şrekin sadiq dostu olan uzunqulaq bu qısa müddət ərzində bataqlığa ev sahibliyi edəcək və qonaqlara vafli servisindən tutmuş yanğın ətrafında hekayələrə qədər bir çox fəaliyyəti icra edəcək.
Rezervasiyalar “Airbnb”də elan edildikdən sonra 13 oktyabr saat 19:00-da başlayacaq və qonaqlama 27-29 oktyabr 2023-cü il tarixləri arasında baş tutacaq.
Xatırladaq ki, platforma həmçinin bu yaxınlarda Barbinin Malibudakı evində və Hobbitin evində də qonaqlama xidməti təklif etmişdi.
Bizi sosial şəbəkələrdən izləyin!!
