Müəllif: Tamara Mustafayeva, Banco.az
ABŞ iqtisadiyyatı ilin ikinci rübündə proqnozlara uyğun olaraq 2,1 faiz artıb.
Banco.az xəbər verir ki, ABŞ Ticarət Nazirliyi aprel-iyun ayları üzrə Ümumi Daxili Məhsul (ÜDM) məlumatlarına dair yekun proqnozlarını açıqlayıb.
Buna görə, ilin ikinci rübündə ABŞ-da ÜDM illik 2,1 faiz artıb. Bazarların gözləntisi də məhz bu istiqamətdə idi.
Ölkənin ÜDM-i ilə bağlı iyul ayında açıqlanan ilkin məlumatlarda ilin ikinci rübündə iqtisadiyyatın 2,4 faiz, avqust ayında açıqlanan ikinci hesablamalarda isə 2,1 faiz böyüyüəcəyi qeyd edilmişdi.
İkinci rübdə ABŞ iqtisadiyyatında artım qeyri-yaşayış sahəsinə qoyulan əsas investisiyalar, istehlak xərcləri və dövlət və yerli hökumət xərclərinin artması ilə şərtlənib. Eyni dövrdə ixrac və idxal da azalıb.
Bizi sosial şəbəkələrdən izləyin!!