Kapital Bankın Daşkəsən rayon filialının bir neçə əməkdaşı barədə 2012-ci ildə açılmış cinayət işinin istintaqının yekunlaşması barədə yayılan məlumatlara Bankın mətbuat xidmətindən də münasibət bildirilib.
Mətbuat xidmətindən verilən məlumata görə, filialın fəaliyyətində yol verilmiş pozuntu halları 2012-ci ildə burada keçirilmiş yoxlama zamanı “Kapital Bank” ASC-nin auditorları tərəfindən aşkar olunub. Müştərilərin mənafeyi öndə tutularaq, ilk növbədə, onlara dəymiş zərərlər ödənib. Eyni zamanda vəzifələrindən sui-istifadə etmiş şəxslər barədə hüquqi ölçü götürülməsi məqsədilə müvafiq hüquq-mühafizə orqanlarına müraciət edilib.
Mətbuat xidmətindən o da bildirilib ki, Kapital Bankda bu cür əməliyyat risklərinin minimuma endirilməsi məqsədilə mütəmadi tədbirlər görülür. Bu sahədə tətbiq edilən mexanizmlər dünya təcrübəsinə uyğun təkmilləşdirilir.
Kapital Bank ötən il Daşkəsən filialında baş vermiş pozuntulara aydınlıq gətirdi
![](https://banco.az/sites/default/files/field/image/1370931099_kapital_bank_logo_album_080612.jpg)
![](/sites/all/themes/bancoaz/logoaz.png)