“FINCA Azerbaijan” prioritetlərini müəyyənləşdirib | Banco.az

“FINCA Azerbaijan” prioritetlərini müəyyənləşdirib

 “FINCA Azerbaijan” hazırkı  iqtisadi şəraitdə çətin sınaqları fürsətə çevirməyi hədəfləyir

“FINCA Azerbaijan” hazırkı iqtisadi şəraitdə dayanıqlı inkişafını təmin etmək və rəqabətlilik qabiliyyətini saxlamaq məqsədi ilə yaxın gələcəkdə bir sıra mühüm addımlar atmaq niyyətindədir. Bunlar sırasına sadə kreditləşmə və məsuliyyətli borclanmanı ehtiva edən yeni çeşiddə məhsul və xidmətlər təqdim etmək, müştərilərə xidmət göstərərkən innovativ üstünlüklərdən faydalanmaq,  ödənişlərin terminallar vasitəsi ilə edilməsini optimallaşdırmaq və rəqabət şəraitində çətin sınaqları fürsətə çevirərək təşkilatın mövqeyini mikro maliyyə bazarında daha da möhkəmləndirilməsi daxildir.  

Məlum devalvasiyanın təsirindən sonra  hazırki iqtisadi vəziyyət və  kredit məhsullarına  müştəri tələbatının zəifləməsi şəraitində “FINCA Azerbaijan” Qeyri-Bank Kredit Təşkilatı dayanıqlı inkişafını təmin edəcək daha çevik qərarlar qəbul etməyi planlaşdırır. FINCA son dəyişikliklər fonunda ölkə ərazisində yerləşən filiallarının yenidən qiymətləndirməsini aparır. Təşkilat mövcud filialları vasitəsi ilə müştərilərə daha yaxşı xidmət göstərilməsi mümkün olan ərazilərdə bir-birinə yaxın və həcmcə kiçik olan ofislərdən bir neçəsini bağlaya və gələcəkdə bu gün xidmət  göstərmədiyi digər rayonlarda yeni ofislər aça bilər.

“Bizim hazırki iqtisadi çətinliklər dövründən daha fokuslu, daha rəqabətli şirkət kimi çıxa biləcəyimizə və Azərbaycan ərazisində hədəf müştəri seqmentinə xidmət göstərən dayanıqlı şirkət olacağımıza əminəm. Ən vacibi isə biz müştərilərə mükəmməl təcrübə yaşatmaq üçün daha güclü mövqedə olacayıq ki, bu da bizim bu gün və gələcək üçün məqsədimizdir”,- deyə Qeyri-Bank Kredit Təşkilatının ölkə üzrə direktoru Timoti Tarrant bildirib.

Ən sərfəli kredit üçün müraciət et

“FINCA  Azerbaijan” hal-hazırda mükəmməl müştəri xidmətləri təcrübəsini təmin edən şirkət olmaq hədəfinə doğru irəliləyir. Təşkilat bunun üçün iş tərzini ehtiyaclara uyğun dəyişir, biznes proseslərini yenidən nəzərdən keçirir və hər zaman müştərilərini düşünərək onların istək və ehtiyaclarına hesablanmış yeni çeşiddə məhsul və xidmətlər təqdim olunması istiqamətində fəaliyyətini daha da təkmilləşdirir.

“FINCA Azerbaijan” Məhdud Məsuliyyətli Qeyri-Bank Kredit Təşkilatı Azərbaycanın ən böyük mikromaliyyə müəssisələrindən biri olaraq 1998-ci ildən etibarən aztəminatlı ailələrin, kiçik və orta sahibkarların həyat standartlarının yaxşılaşdırılmasını özünə missiya seçmiş və onlara maliyyə xidmətləri göstərən bir təşkilatdır. Təşkilat dünyanın 23 ölkəsində fəaliyyət göstərən “FINCA International”ın Azərbaycandakı törəmə müəssisəsidir. 

Ən sərfəli krediti almaq üçün müraciət et