Yeni il alış-verişində bunlara MÜTLƏQ diqqət edin - 5 qızıl məsləhət | Banco.az

Yeni il alış-verişində bunlara MÜTLƏQ diqqət edin - 5 qızıl məsləhət

Yeni ilə sayılı günlərin qaldığı bu vaxtlarda şübhəsiz ki, hər kəs bayram alış-verişinə hazırlaşır. Texnologiyanın üstünlüklərindən faydalanmaq istəyənlər isə bayram alış-verişini belə internet vasitəsilə həyata keçirməyə üstünlük verir. Biz də bugünkü məqaləmizdə yeni il üçün onlayn alış-veriş platformalarına müraciət edəcək insanların diqqətinə bir neçə vacib məqamı çatdırmaq istəyirik.

Həmçinin oxu: Banklarımızın Yeni İl kampaniyaları - 2019

E-mail vasitəsilə gələn saxta sifariş səhifələrinə diqqətlə yanaşın!

Kiber cinayətkarlar istifadəçilərə xüsusilə hər kəsin marağına səbəb olan məhsullar üçün saxta kampaniyalar təklif edilən maillər göndərirlər. Bu maillərdə qeyd edilən link – lərə daxil olaraq alış-veriş edən insanların plastik kartlarının bütün məlumatları internet dələduzları tərəfindən ələ keçirilir.

Bəs, nə etmək lazımdır? İstifadəçilər gələn e-mailləri təhlükəsizlik proqramları vasitəsilə yoxlamalı və şübhəli mənbədən gəldiyini düşündükləri təqdirdə etibar etməməlidirlər.

Münasib qiymətə məhsul almaq üçün axtarış sistemlərindən istifadə etməyin

Veb təhdidlər axtarış sistemlərində tez-tez ilk sıralarda qarşınıza çıxa bilir. Pis niyyətli insanlar tərəfindən hazırlanan populyar alış-veriş saytlarının saxta versiyaları axtarış sistemlərinin çıxardığı ilk seçimlər arasında ola bilir. Bu saytlardan alış-veriş edən insanlar isə plastik kartlarının məlumatlarını özləri birbaşa internet dələduzlarına verirlər.

Bəs, nə etmək lazımdır? Güvəndiyiniz və əvvəlcədən alış-veriş etdiyiniz onlayn alış-veriş saytlarının veb ünvanlarını axtarış sisteminə birbaşa yazaraq daxil olun. Bununla da axtarış sistemlərinin sizi yönləndirməsi ilə deyil, öz yazdığınız ünvana daxil olacaqsınız.

Ən sərfəli kredit üçün müraciət et

Endirim real görünmürsə, inanmayın

Yarı-yarıya endirim kampaniyaları və həddindən artıq qiymətlərin aşağı düşməsi sizi bir neçə dəfə düşünməyə vadar etməlidir. Çünki kiber cinayətkarlar bu üsulu xüsusilə sevirlər.

Bəs, nə etmək lazımdır? İnternetdə qarşılaşdığınız real olmayan endirimlər haqqında əlaqədar firmaya bildirərək bunun doğru olub olmadığını araşdıra bilərsiniz.

Mobil cihazlardan alış-veriş edərkən diqqətli olun

Əgər onlayn alış-verişə həddindən artıq çox üstünlük verirsinizsə və bu alış-verişləri mobil cihazlar vasitəsilə həyata keçirirsinizsə, mütləq etibarlı saytların mobil tətbiqlərindən istifadə edin. Çünki mobil görünüşə malik veb saytların saxta versiyalarını hazırlamaq dələduzlar üçün olduqca asan ikən, istifadəçilər üçün bunu ayırd etmək bir o qədər çətindir.

Bəs, nə etmək lazımdır? Tanınmış alış-veriş saytlarının etibarlı mobil tətbiqlərindən istifadə edin. Mobil cihazınızı mütləq təhlükəsizlik proqramı vasitəsilə etibarlı hala gətirin.

Təhlükəsizlik proqramların istifadə edin

Tez-tez yenilənən bir təhlükəsizlik proqramı istifadəçilərin saxta saytlara daxil olmasına mane olacaq və təhdidlərdən qoruyacaq. Mobil cihazları da qoruyan təhlükəsizlik proqramlarının seçilməsi daha da məqsədə uyğun hesab edilir. 

Həmçinin oxu: Tanınmış markalar Şaxta Babanın xizəyini dizayn etsələr, necə olar?

Tamara Mustafayeva, Banco.az

Ən sərfəli krediti almaq üçün müraciət et