“Unibank” ASC 2019-cu ilin 1-ci rübünü 6 milyon 830 min manat xalis mənfəətlə başa vurub. Müqayisə üçün qeyd edək ki, “Unibank” 2018-ci ilin 1-ci rübünü 4 milyon 739 min manat xalis mənfəət ilə bağlamışdı. Beləliklə, Bankın xalis mənfəəti 44% artıb.
GƏLİRLƏRİ ARTIB
2019-cu ilin yanvar – mart dövründə “Unibank”ın cəmi gəlirləri (faiz və qeyri faiz gəlirləri) 24 milyon 366 min manat, cəmi xərcləri 22 milyon 820 min manat təşkil edib. Cəmi gəlirlər cəmi xərcləri üstələdiyindən “Unibank”ın 1 milyon 546 min manat əməliyyat mənfəəti formalaşıb. Eyni zamanda, ehtimal olunan kredit zərərləri üçün yaradılmış ehtiyatın 5 milyon 292 min manatı azad olduğundan Bankın mənfəəti 6 milyon 838 min manata yüksəlib. Bank 8 min manat mənfəət vergisi ödəyib.
Müqayisə üçün qeyd edək ki, 2018-ci ilin yanvar-mart dövründə “Unibank”ın cəmi gəlirləri 15 milyon 336 min manat, cəmi xərcləri isə 18 milyon 868 min manat təşkil etmişdi. Xərclər gəlirləri üstələdiyindən Bankın 3 milyon 532 min manat əməliyyat zərəri yaranmışdı. Əvvəlki illər yaradılmış ehtiyatların 8 milyon 271 min manatı gəlirə çevrildiyindən əməliyyat zərəri bağlanmış və Bankın 4 milyon 739 min manat xalis mənfəəti qalmışdı.
BANK BÖYÜYÜB, MÜŞTƏRİLƏRƏ VERİLƏN KREDİTLƏR ARTIB
31 Mart 2019-cu il tarixində "Unibank" 736 milyon 461 min manat cəmi aktivlərə, 673 milyon 768 min manat cəmi öhdəliklərə və 62 milyon 93 min manat cəmi balans kapitalına malik olub. 31 Dekabr 2018-ci il tarixində “Unibank” 693 milyon 877 min manat cəmi aktivlərə, 638 milyon 642 min manat cəmi öhdəliklərə və 55 milyon 236 min manat cəmi balans kapitalına malik idi.
İlk rübdə "Unibank"ın müştərilərə verdiyi kreditlər 12 milyon 155 min manat artaraq 399 milyon 808 min manata çatıb.
31 Mart 2019-cu il tarixində "Unibank" 55 milyon 291 min manat məcmu kapitala malik olub.
Xəbər verdiyimiz kimi, “Unibank” ASC 2017-ci ili 4 milyon 44 min manat, 2018-ci ili 30 milyon 300 min manat xalis mənfəət ilə başa vurmuşdur.
Marja
