Müəllif: Tamara Mustafayeva, Banco.az
“Rusiyada inflyasiya 2024-cü ildə də yüksək səviyyədə qalacaq.”
Banco.az xəbər verir ki, Rusiyanın İqtisadi İnkişaf naziri Maksim Reşetnikov Rusiya Federasiya Şurasındakı çıxışında ölkəsindəki inflyasiya tendensiyası ilə bağlı qiymətləndirmələr edib.
O, Rusiyada inflyasiyanın 2024-cü ildə də yüksək səviyyədə qalacağını bildirib.
“Gələn il orta illik inflyasiya 7,2 faiz təşkil edəcək. 2024-cü ilin dekabrında inflyasiyanın illik 4,5 faizə düşəcəyini gözləsək də, o vaxta qədər inflyasiya əhəmiyyətli səviyyədə qalacaq.”
Xatırladaq ki, Rusiya Mərkəzi Bankı rublun ucuzlaşmasından sonra artan yüksək inflyasiya təhlükəsi ilə əlaqədar avqustun 15-də uçot dərəcəsini 8,5 faizdən 12 faizə, sentyabrın 15-də isə 13 faizə qaldırıb.
Bizi sosial şəbəkələrdən izləyin!!
