Müəllif: Tamara Mustafayeva, Banco.az
Qərb ölkələrinin hərtərəfli sanksiyaları səbəbindən Rusiya iqtisadiyyatı 2022-ci ildə 2,1 faiz kiçilib.
Banco.az xəbər verir ki, Rusiyanın Federal Statistika İnstitutu (Rosstat) 2022-ci il üzrə əsas ümumi daxili məhsul (ÜDM) məlumatlarını açıqlayıb.
Məlumatlar göstərir ki, Rusiyanın milli gəliri cari qiymətlərlə keçən il 151,5 trilyon rubl (təxminən 2 trilyon dollar) olub, ölkə iqtisadiyyatı isə 2,1 faiz azalıb.
Rusiya İqtisadi İnkişaf Nazirliyi 2022-ci ildə ölkə iqtisadiyyatının 2,9 faiz, Rusiya Mərkəzi Bankı isə 2,5% kiçildiyini proqnozlaşdırmışdılar.
Xatırladaq ki, Qərb ölkələri Ukraynadakı müharibəyə görə Rusiyaya, xüsusilə enerji və maliyyə sektoruna qarşı geniş sanksiyalar tətbiq edir.
Bizi sosial şəbəkələrdən izləyin!!