Dünyanın ilk 5 ulduzlu YERALTI OTELİ inşa edilib - FOTOLAR | Banco.az

Dünyanın ilk 5 ulduzlu YERALTI OTELİ inşa edilib - FOTOLAR

Çinin Şanxay şəhərində “InterContinental Shangai Wonderland” adlı dünyanın ilk 5 ulduzlu yeraltı oteli yaxın günlərdə istifadəyə veriləcək.

Həmçinin oxu: 108 metr hündürlükdə süni şəlaləsi olan göydələn inşa edildi - FOTOLAR

“Müasir memarlıq möcuzəsi” adlandırılan bu otel, 88 metr dərinliyində tərk edilmiş daş mədəninin üzərindəki qayalıqlar oyularaq inşa edilmişdir.

Gələn ay Şanxay şəhərinə bağlı və şəhər mərkəzinə təqribən 35 km uzaqlıqda yerləşən Songjiang qəsəbəsindəInterContinental Shangai Wonderland” adlı yeni bir otel qapılarını ziyarətçilərin üzünə açacaq. 2006 – cı ildən bəri bu otelin interyer dizaynını həyata keçirmək üçün 5 mindən çox memar, mühəndis, dizayner və işçi layihədə yer alıb.

Ən sərfəli kredit üçün müraciət et

18 mərtəbəli olan bu otelin 337 otaq və 1 suit otağı var. 18 mərtəbənin 16 – sı torpaq qatın altında, digər 2 mərtəbəsi isə su təbəqənin altında yerləşir. Dam örtüyü yaşıllıqlarla əhatə olunan otel günəş enerjisindən istifadəyə əsaslanaraq dizayn edilmişdir. Qonaqlar otelin eyvanlarından ətrafdakı qayalıqlardan aşağıya doğru uzanan şəlalələri seyr edə bilərkən eyni zamanda şəffaf şüşə bir şəlalə də binanın mərkəzində yerləşir. Bununla yanaşı otelin su təbəqənin altında yerləşən iki mərtəbəsi, otelin restoranına və 10 metr dərinliyindəki akvariumun qarşısında yerləşən əlavə qonaq otaqlarına ev sahibliyi edir. Otelin ən aşağı mərtəbələrində üzgüçülük hovuzu və digər əyləncə obyektləri yerləşir.

Qeyd edək ki, otelin dizaynı Dubayda yerləşən dünyanın ən lüks otellərindən biri olan Bürc əl-Ərəb” otelinin də dizaynını həyata keçirən “Atkins” ingilis dizayn şirkətinə məxsusdur. 

Tamara Mustafayeva, Banco.az

Ən sərfəli krediti almaq üçün müraciət et