Müəllif:Gülbəniz Hüseynli/Banco.az
“Əvvəlki illərdə profsit səbəbindən dövlət büdcəsinə yenidən baxılaraq dəyişikliklər edilib. “Büdcə Sistemi” haqqında Qanuna əsasən, may ayının 15-dən tez və oktyabr ayının 15-dən gec olmayaraq cari ilin dövlət büdcəsinə yenidən baxılması barədə Milli Məclisi qarşısında məsələ qaldırıla bilər”.
Banco.az xəbər verir ki, bu açıqlamanı iqtisadçı Vüqar Bayramov deyib.
O bildirib ki, dövlət büdcəsində formalaşan profsit və eləcə növbəti dövr üçün fiskal proqnozlar nəzərə alınmaqla bununla bağlı qərar verilir:
“Bu kontekstdən, gözlənilir ki, hökumət tərəfindən fiskal dəyərləndirmə aparıldıqdan sonra bu istiqamətdə yekun qərar veriləcək.Büdcəyə yenidən baxılacağı halda işğaldan azad olunan ərazilərimizin bərpa və yendənqurulması, milli təhlükəsizlik, sosial təminat kimi istiqamətlərin priortitet olacağı istisna deyil”.
Qeyd edək ki, 2024-cü ilin birinci rübündə dövlət büdcəsinin gəlirləri 9 milyard 234 milyon manat, xərcləri isə 8 milyard 412 milyon manat olub. Bu o deməkdir ki, bu müddətdə 821,7 milyon manat məbləğində dövlət büdcəsinin artıqlığı (profisit) yaranıb. Proqnozla müqayisədə büdcə gəlirləri 8,1 faiz, büdcə xərcləri isə 33.8 faiz çox icra olunub. Həm neft-qaz, həm də qeyri-enerji sekorundan büdcəyə daxil olmalar proqnozlaşdırılandan daha çox olub.
Bizi sosial şəbəkələrdən izləyin!!
