Müəllif: Mehin Qasımova/Banco.az
Çin yeni broker firmalarına və onların xaricdəki filiallarına ölkədən kənarda qiymətli kağızlar və aktivlərlə ticarət etməyə imkan verən yeni hesablar açmağı qadağan edib.
Banco.az xəbər verir ki, bu müvafiq sərəncamda öz əksini tapıb.
Onlara həmçinin xaricdə birja ticarətinin bütün reklamlarını dayandırmaq, veb-saytlar, mobil proqramlar daxil olmaqla, bu cür əməliyyatlar üçün bütün kanalları bağlamaq tapşırılıb.
Məlumata görə,bu qərarın əsas səbəbi Pekinin getdikcə daha fəal mübarizə aparmağa başladığı kapital qaçışı adlanır.
Avqustda xaricə 49 milyard dollar vəsait daxil olub ki, bu da 2015-ci ilin dekabrından bu yana rekord göstəricidir. İnvestorların bədbinliyi iqtisadi artımın yavaşlaması və yuanın ucuzlaşması ilə əlaqələndirilir.
Ekspertlərin fikrincə, hakimiyyət xaricdə ticarət imkanlarını tamamilə qadağan etmək istəmir, əksinə, bunu nəzarətə götürmək niyyətindədir.
İdeya, bütün ticarət əməliyyatlarını rəsmi kanallara, məsələn, Stock Connect (Şanxay və Honq Konq birjaları vasitəsilə qiymətli kağızların ticarəti üçün platforma) köçürməkdir ki, burada pul çıxarılmasına nəzarət edilə bilər.
Bizi sosial şəbəkələrdən izləyin!!
