Tamara Mustafayeva, Banco.az
"Blue Origin" şirkəti "Orbital Reef" adlı kommersiya yönümlü kosmik stansiya inşa edəcəyini açıqlayıb.
Banco.az xarici mətbuata istinadla xəbər verir ki, e-ticarət nəhəngi "Amazon"un təsisçisi Ceff Bezosun sahib olduğu kosmik turizm şirkəti "Blue Origin" 2030-cu ilədək kommersiya yönümlü kosmik stansiya inşa edəcəyini elan edib. Şirkətdən edilən açıqlamaya görə, sözügedən layihədə aralarında "Boeing"in də olduğu 5 şirkətlə əməkdaşlıq ediləcək.
Qeyd edək ki, şirkətin "Orbital Reef" (Orbit Daşı) adlandırılacaq bu kosmik stansiyasının 2025-ci ilə qədər fəaliyyətə başlaması və 10 nəfərə ev sahibliyi etməsi planlaşdırılır.
Bizi sosial şəbəkələrdən izləyin!!
