İndiyə qədər bankların Facebook səhifələri ilə bağlı çox yazılar yazılıb və əsasən bu yazıların hamısında bankların rəsmi səhifələri fan sayına və səhifələrin müzakirə olunma səviyyəsinə əsasən müqayisə olunub.

Çalışacağıq ki, bu yazı fərqli, daha maraqlı və faydalı alınsın.

İlk öncə Facebook banklarımıza nə verir?

Bu gün Azərbaycanda 1 milyondan artıq insan Facebook istifadəçisidir. Lakin heç bir kommersiya bankının müştərilərinin sayı 1 milyon deyil. Bankların nağdsız ödənişləri stimullaşdırmağa və əməliyyat xərclərini azaltmağa çalışdığı bir zamanda nəzərə almaq lazımdır ki, Facebook-da məhz o tip müştərilər var ki, onlar nağdsız ödənişlər etməyə, krediti onlayn sifariş etməyə, ödənişləri onlayn həyata keçirməyə daha çox meyillidir və belə bir müştərini qazanmaq bank üçün maraqlıdır. Çünki bu zaman bankın məsrəfləri daha az olur və Facebook üzərində reklam banklara daha çox sərf edir. Bu gün banklar öz Facebook fanlarına daha loyal şərtlərlə kredit təklif edir, öz brendlərini müştərinin beynində daha çox möhkəmlətməyə və müştərilərə xoş “müştəri təcrübəsi” yaşatmağa çalışırlar.

Müştərilər Bankın səhifəsindən nə əldə edir?

İlk növbədə öz suallarına cavab tapır. Yəni, əlavə vəsait və zaman sərf etmədən, onsuzda vaxtının müəyyən hissəsini facebook-da keçirən müştəri həmin bankla bağlı öz suallarına birbaşa verə biləcəyi ünvan tapır. Bu zaman telefon növbəsində gözləmək, uzun zaman ərzində elektron cavablayıcıları dinləmək zərurəti qalmır. Müştəri bankın həyatında baş verən dəyişikliklər ilə bağlı mütəmadi olaraq Facebook səhifəsində məlumat ala bilir. İstər bu yeni açılmış filial olsun, istər bankın qeyri-iş günləri ilə bağlı planları, yeni keçirilən viktorinalar, yeni məhsullar, xidmətlər və s. Həmçinin pis xəbərlər də bu sıraya daxildir.

Müştərini məlumatlandırmaqda maraqlı olan banklar digər kanallar kimi sosial şəbəkələrdən də aktiv istifadə edirlər. Təəssüf ki, bu baxımdan bütün banklarımızı eyni sıraya qoymaq olmaz. Bəzi bank səhifələrinin “kontent manecerləri” səhifəyə yalnız bayramdan bayrama daxil olur və səhifənin “cover foto”sunu dəyişməklə öz işini bitmiş hesab edirlər. Hətta bəzən yeni filialın açılışı kimi vacib xəbərlər də səhifələrdə yer almır.

Sualların cavablandırılmasına gəldikdə isə DəmirBank, Bank of Baku, Yapı Kredi Bank, AccessBank, Bank Technique, Unibank kimi bank səhifələri müştərilərin suallarına daha tez cavab vermək baxımından seçilirlər. Həmçinin bu cavabların məzmunu daha dolğun olur və “problemi həll etmə” qabiliyyəti yüksək olur. Yəni cavab müştəri tərəfindən qaldırılmış problemin bir-başa həllinə yönəlmiş olur.

Həmçinin banklar iş günündən sonra verilmiş sualların cavabını da növbəti iş gününün əvvəlində dərhal cavablandırmağa çalışır.

AG Bank, Bank Standard, Bank Respublika, RabitəBank, MuğanBank kimi banklar növbəti iş gününün ilk saatı ərzində müştərinin verdiyi sualı cavablandırırlar.

ParaBank, Zamin Bank kimi banklar isə müştərinin sualını gün ərzində cavablandırır, cavab bəzi hallarda tam dolğun olmur, müştəriyə “qaynar xətt” ilə əlaqə saxlamaq tövsiyə olunur. KapitalBank-dan verilən cavablar da həddindən artıq konkret olur.   

Vizual görüntü və səhifənin dizaynı

Əksər bank səhifələri öz  yaratdıqları vizual görüntülərdən istifadə edir. Bu baxımdan bütün banklarımızın fəaliyyəti təqdirəlayiqdir. Səhifələrdə nadir hallarda digər bir mənzərə və ya fotoya rast gəlmək olur. Səhifələdəki paylaşmalar bankın brendinə və imicinə uyğun olur. Bu baxımdan da Yapı Kredi Bank, Bank of Baku, Unibank, Bank Respublika, Atabank, kimi bankları qeyd etmək olar ki, onlar hər bir paylaşma üçün xüsusi dizayn işindən istifadə edirlər.

Facebookda müştərilər üçün müxtəlif application – tətbiqetmələr yaradan səhifələr də vardır ki, onların köməkliyi ilə müştəri kredit, plastik kart sifarişi edə, onlayn məsləhətçi ilə əlaqə yarada, müxtəlif paylaşmalar edərək bonus ballar toplaya və s xidmətlərdən yararlana bilər.

Biz bank səhifələrini aşağıdakı meyarlar əsasında qiymətləndirmək qərarına gəldik:

Cari il ərzində istifadəçilər arasında müsabiqə keçirən banklar

Facebook-da bankların xidmət şəbəkələrinə çıxış

Könül Soltanova/Banco.az