Bu gün ləğvetmə prosesində olan “Bank Standard” QSC-nin Kreditorlar Komitəsinin növbəti iclası keçirilir.

Toplantı Bankın ləğvedicisi olan Azərbaycan Əmanətlərin Sığortalanası Fondunun (ADIF) Bakı şəhəri, Xətai rayonu, Babək prospekti,16 ünvanında yerləşən inzibati binasında təşkil olunub.

İclasda çıxış edən Komitənin sədri, hüquqşünas Əkrəm Həsənov bildirib ki, ADİF kreditorların ona ünvanladığı məktuba cavab verib: “Məktubda kreditorlar vaxtilə “Bank Standard”a ayrılmış 15 mln. manat vəsaitin hara xərclənməsini soruşub. Fond bəyan edib ki, həmin pulun 13 mln. manatdan bir qədər çox hissəsi AMB-yə ödənilib, qalan 1,7 mln. manatlıq hissəsi isə digər xərclərə yönəldilib”.

Bununla belə, onun sözlərinə görə, ADİF-in cavabı qənaətbəxş deyil və Fond həmin vəsaitin konkret kimlərə verildiyini açıqlamalıdır. 

Mənbə: Report.az