ABŞ-ın ən böyük investisiya bankı və maliyyə xidmətləri şirkətlərindən biri olan "Morgan Stanley"in hesabatında, Amerikanın qiymətli kağızlar bazarında geriləmə trendinin başladığı qeyd olunub.
"Morgan Stanley" tərəfindən hazırlanan hesabatda, "ABŞ bazarında qiymətlərin dekabrda, həssaslığın isə yanvarda zirvəya qalxmasının ardından "ayı bazarı"nın çoxdan başlamış olduğunu düşünürük",- ifadəsi istifadə edilib.
Hesabatda, gələn il ABŞ şirkətlərinin mənfəətlərinin artmasının ləngiyəcəyi təxmin edilib və bunun bazarın proqnozundan daha sürətli reallaşacağı qeyd edilib.
Bazarlarda pozulan maliyyə şərtlərinin və şirkətlərin qazanclarının yavaşlamasının diqqətlə izləndiyi vurğulanan hesabatda, Standard & Poor's 500 İndeksinin gələn ilin iyun ayının ortasında 2 min 750 bənd olmasının nəzərdə tutulduğu qeyd edilib.
Standard & Poor's 500 İndeksi çərşənbə günü 2 min 888 bənddən bağlanıb. İndeksin gələn ilin iyun ayında nəzərdə tutulan səviyyədə olması təxminən 140 bənd (4,8 faiz) bir azalmaya işarə edir.
"Ayı bazarı", uzun müddət investorların birjada satış mövqeyi tutduqları, qiymətlərin düşməsi və bazarların pessimist olduğu hallar üçün istifadə edilir.
Bəzi analitiklər isə Standard & Poor's 500 İndeksinin qalxdığı ən yüksək səviyyədən 20 faiz dəyər itirməsi vəziyyətində bazarların mövqeyini "ay bazarı" adlandırırlar.
