2018-ci ili "ticarət müharibələrinin" kölgəsində keçirən ağıllı telefon bazarında satışlar geriləməyə davam edib. Bazardakı tənəzzül ardıcıl 5 rüb davam edib. "Samsung"un satışları 7.2 faiz, "Apple"ın satışları isə 1.7 faiz azalıb. Çinin "Huawei" və "Oppo" şirkətləri isə qlobal satışlarını 30%-dən çox artırıb.
2018-ci ildə cəmi ağıllı telefon satışları 4.6% geriləyərək 1 milyard 455 milyon ədəddən 1 milyard 388 milyon ədədə düşüb.
2017-ci ildə dünya üzrə 3 milyon 986 min 301 ədəd olan gündəlik orta hesabla telefon satışları, 2018-də 183 min 561 ədəd azalma ilə 3 milyon 802 min 740-a geriləyib.
Bazar araşdırma təşkilatı "Canalys"in açıqladığı 2018-ci ilin məlumatlarına görə, "Samsung" liderliyini qorumasına baxmayaraq ən çox satışları azalan şirkət olub.
"Samsung"un ağıllı telefon satışları 2018-ci ildə 7.2 faiz azalaraq 293.7 milyona, "Apple"ın satışları isə 1.7 faiz azalma ilə 212.1 milyon ədədə geriləyib. Çinin "Huawei" və "Xiaomi" şirkətləri isə illik satışlarını müvafiq olaraq 34.5 faiz və 31.6 faiz artırıb.
2018-ci ilin ikinci rübündə "Apple"ı keçərək, dünyanın ən böyük ikinci telefon istehsalçısı mövqeyinə yüksələn "Huawei", ötən il yerini təkrar "Apple"a geri verib.
"Samsung"un 21.2 faiz ilə lider olduğu bazarda, 2018-ci ildə "Apple" 15.3 faiz ilə ikinci, "Huawei" 14.8 faiz ilə üçüncü, "Xiaomi" 8.7 faiz ilə dördüncü və "Oppo" 8.6 faiz ilə beşinci yeri tutub.
2018-ci ilin 4-cü rüb nəticələrinə baxanda isə ən çox ağıllı telefon satışı edən marka "Apple" olub. 2017-ci ilin müvafiq rübünə nisbətən 7.3 faiz azalmasına baxmayaraq, "Apple" 2018-in son rübündə 71.7 milyon ədəd "iPhone" satışı həyata keçirib.
Ötən ilin son rübündə "Samsung"un satışları 5.3 faiz düşüb, "Huawei"nin telefon satışları 47.3 faiz, "Oppo"nun isə 20.6% artıb.
Bazarın həm istehsal, həm də istehlak baxımından ən böyük aktyoru olan Çində 2018-ci ildə ağıllı telefon satışları 14 faiz azalaraq 396 milyon ədədə düşüb. Bu rəqəm, 2013-ci ildən bu yana ən aşağı səviyyədir. Ötən il Çin bazarında "Huawei"nin satışları 16 faiz artıb, "Apple"ın satışları isə 13 faiz azalıb.
SATIŞLAR NƏ ÜÇÜN AZALIB?
Bazardakı tənəzzülü şərh dən "Canalys"in analitiki Ben Stanton, "Ağıllı telefon bazarında məhsul innovasiyası ləngidiyi üçün insanlar açıq şəkildə mövcud telefonlarını daha uzun müddət istifadə etmək meylindədir. Bundan başqa, ABŞ-Çin arasında ticarət müharibəsi, inkişaf etmiş bazarlarda zəif istehlakçı xərcləri və köhnə telefonların bərpa olunaraq ikinci əldə satışına artan maraq kimi amillər ağıllı telefon satışlarının azalmasına səbəb olub".
Marja
