Finex Kredit | Banco.az

Finex Kredit

 

“Finex Kredit” BOKT ASC  2007-ci ildən Azərbaycan Maliyyə bazarında uğurla fəaliyyət göstərən “Finex” şirkətlər qrupuna daxildir. Şirkət 10.09.2013-ci ildə Mərkəzi Bankın verdiyi 14 saylı lisenziyası  əsasında, Azərbaycan Respublikasının Bank Olmayan Kredit təşkilatları haqqında qanuna və Maliyyə Bazarlarına Nəzarət Palatasının göstəriş və təlimatlarına uyğun olaraq 18 sentyabr 2013-cü ildən fəaliyyət göstərir.

 

Təşkilat, kiçik və orta müəssisələrin kredit məhsullarına olan ehtiyacını ödəyən rəqabət qabiliyyətli, peşəkar komandaya malik kredit təşkilatıdır. Şirkət bir çox nüfuzlu təşkilatlarla, maliyyə institutları ilə , banklar və dövlət strukturları ilə sıx əməkdaşlıq edir.
“Finex Kredit” ASC Sahibkarlığa Kömək Milli Fondunun müvəkkil agentidir və Kənd Təsərrüfatı Layihələri və Kreditlərinin İdarə Edilməsi üzrə Dövlət Xidməti ilə sıx əməkdaşlıq edir. Əməkdaşlığın nəticəsi olaraq regionlarda fəaliyyət göstərən fermer və sahibkarlara ğüzəştli kreditlər verilmış, yeni təsərrüfatlar qurulmuş , yeni iş yerləri açılmışdır.

 

Yarandığı gündən “Finex Kredit” Bank Olmayan Kredit Təşkilatı qiymətli kağızlar bazarının aktiv iştirakçısıdır, yüksək gəlirli korporativ istiqrazların emitentidir.  Azərbaycanda ilk 3 şirkətlərdən biri olaraq 24 dekabr 2015-ci il tarixində Bakı Fond Birjasının Listinq Komitəsinin qərarı ilə “Finex Kredit” BOKT ASC -nin qiymətli kağızları BFB-də standard bazar seqmentində listinqə daxil edilmişdir. “Finex” istiqrazlarının sahibləri bu illər ərzində hər zaman stabil maliyyə gəliri əldə ediblər.

“Finex Kredit” BOKT tarixi boyunca şəffaf idarəetmə və hesabat siyasətini nümayiş etdirir. Təşkilatımız  rəsmi xarici auditoru RSM Global beynəlxalq şirkətidir, hər il yoxlamanın nəticələri (hesabatlar) Kütləvi İnformasiya Vasitələrində yayımlanır.

Şirkətin fəaliyyəti ölkənin böyük bir ərazisini əhatə edir. Müştərilərin maraqlarını və ehtiyaclarını nəzərə alaraq 2013-2017-ci illərdə Gəncə, Zaqatala, Qəbələ və Bakıda regional ofisləri açılmışdır.

Daha çox
Ünvan Azərbaycan, Bakı Süleyman Rüstəm 11
Telefon +994 12 440 56 15, +994 50 228 92 86
Filialı 5
Sayt www.finexkredit.az
E-poçt office@finexkredit.az
Müəllif: Könül Vəliyeva

Ən sərfəli krediti almaq üçün müraciət et

Bank işi kursları

Banco Academy

Qeydiyyatdan keç