Azərbaycan müəllimləri “Bank of Baku”-ya böyük təşəkkürlərini bildirdilər! | Banco.az

Azərbaycan müəllimləri “Bank of Baku”-ya böyük təşəkkürlərini bildirdilər!

Azərbaycanda 5 oktyabr tarixində qeyd edilən Müəllimlər Günü ilə əlaqədar “Bank of Baku” Azərbaycanın təhsil işçilərinin bir qrupu ilə görüş keçirib. Paytaxtın müxtəlif təhsil müəssisələrinin işçilərinin qatıldığı görüşün məqsədi müəllimləri peşə bayramları münasibətilə bilavasitə təbrik etmək və onları bankın məhsul və xidmətləri ilə ətraflı tanış etmək olub.

Tədbirdə çıxış edən “Bank of Baku” nümayəndələri təhsil işçilərini təbrik edərək onlara peşə uğurları arzu etdilər. Bildirildi ki, müəllimlər ”Bank of Baku”-nun əsas və etibarlı müştəri bazasını təşkil edir və bank müəllimlərə  uzun illər xidmət etməkdən qürur duyur.

Daha sonra “Bank of Baku”-nun təhsil işçiləri üçün nəzərdə tutulan xidmət və məhsulları barədə ətraflı məlumat verildi. Sual-cavab formasında davam edən təqdimat zamanı təhsil işçiləri bankın güzəştli kart və kredit məhsulları barədə çoxsaylı suallar verdilər. Bildirildi ki, “Bank of Baku” müəlimlər üçün vaxtaşırı müxtəlif endirim və güzəştlər kampaniyası keçirir.

Görüş çərçivəsində məhsulların şərtləri, tələb edilən sənədlər, imtiyaz və güzəştlərin meyyarları, faiz dərəcəsi və maraq doğuran digər məqamlara tam aydınlıq gəitirildi.Görüşdə bankın ən populyar məhsullarından olan Bolkart kredit kartına xüsusi diqqət ayrıldı. Müəllimlər bu kredit kartının hissə-hissə ödənişli olmasının onların xərclərinə effektiv və qənaətcil nəzarət etməyə imkan verdiyini vurğuladılar.Bolkartla böyük sayda mağazada alış-veriş etməyin mümkünlüyü, nağdlaşdırma fürsətləri, internetdə geniş istifadə və digər üstünlüklər vurğulandı.

Ən sərfəli kredit üçün müraciət et

Görüşdə bildirildi ki, təhsil müəssisələrində çalışan müştərilər nağd pul krediti rəsmiləşdirdikdə xüsusi güzəşt və endirimlər əldə edirlər. Endirimin əsas meyyarı birbaşa müəllimlərin ümumi təhsil sahəsindəki iş stajından asılıdır.

Sonda müəllimlər onlar üçün xüsusi güzəşt və imtiyazlar tətbiq etidiyinə görə “Bank of Baku”-ya səmimi təşəkkürlərini bildirdilər.

Təhsil işçiləri üçün kampaniyalar barədə “Bank of Baku”-nun 145 nömrəli Məlumat Mərkəzi ilə əlaqə saxlamaqla, habelə “TEHSİL” sözünü SMS-lə 8145 nömrəsinə göndərməklə ətraflı məlumat əldə etmək mümkündür.

         

Ən sərfəli krediti almaq üçün müraciət et