Yeganə dövlət BOKT-unun vəziyyəti məlum oldu | Banco.az

Yeganə dövlət BOKT-unun vəziyyəti məlum oldu

Yeganə dövlət bank olmayan kredit təşkilatı “Aqrarkredit” QSC 2018-ci ili 212 min manat xalis mənfəət ilə başa vurub. Bu, 2017-ci illə müqayisədə 36,1% azdır. QSC 2017-ci ili 331 min manat xalis mənfəət ilə bağlamışdı.

CƏMİ GƏLİRLƏRİ DƏ, XƏRCLƏRİ DƏ ARTIB

Ötən il “Aqrarkredit”in cəmi gəlirləri 22 milyon 452 min manat cəmi xərcləri isə 22 milyon 240 manat təşkil edib. Nəticədə 212 min manat xalis mənfəət qalıb.

Müqayisə üçün qeyd edək ki, 2017-ci ildə “Aqrarkredit”in cəmi gəlirləri 13 milyon 26 min manat cəmi xərcləri isə 12 milyon 695 min manat təşkil etmişdi.

İllik müqayisədə “Aqrarkredit”in cəmi gəlirlərinin artması faiz və digər gəlirlərinin artması ilə bağlıdır.

FAİZ GƏLİRLƏRİ 2 DƏFƏDƏN ÇOX ARTIB

2017-ci illə müqayisədə 2018-ci ildə “Aqrarkredit”in faiz gəlirləri 2,1 dəfə artaraq 17 milyon 173 min manat təşkil edib. Təşkilat 2017-ci ildə 8 milyon 182 min manat faiz gəlirləri əldə etmişdi.

“Aqrarkredit”in gəlirləri artsa da, həm də ehtimal olunan zərərlər üçün ehtiyatın yaradılmasına daha az ayırsa da xarici valyuta ilə əməliyyatlar üzrə zərər və əməliyyat xərclərinin artması ilə əlaqədar olaraq xalis mənfəəti illik müqayisədə az olub.

Faiz gətirən aktivlər üzrə ehtimal edilən zərərlər üçün ehtiyat yaradılmasına ayırma 4,2 dəfə azalaraq 1 milyon 930 min manata düşüb.

Ən sərfəli kredit üçün müraciət et

2017-ci illə müqayisədə 2018-ci ildə “Aqrarkredit”in əməliyyat xərcləri 2 dəfə artaraq 11 milyon 799 min manat təşkil edib.

8 MİLYON MANATA YAXIN ZƏRƏR

Ötən il “Aqrarkredit”  xarici valyuta ilə əməliyyatlar üzrə 7 milyon 811 min manat zərər edib. Halbuki, təşkilat 2017-ci ildə bu istiqamət ürzə 3 milyon 897 min manat gəlir əldə etmişdi.

AKTİVLƏRİNİN BÖYÜK HİSSƏSİ ABB-DƏN ALINMIŞ AKTİVLƏRDİR

31 dekabr 2018-ci il tarixində “Aqrarkredit”  13 milyard 517 milyon manat cəmi aktivlərə malik olub. Cəmi aktivlərin 12 milyard 779 milyon manatını Azərbaycan Beynəlxalq Bankından (ABB) alınmış aktivlər təşkil edib. 2017-ci ilin sonunda təşkilatın 14 milyard 224 milyon manatlıq cəmi aktivlərinin 13 milyard 558 milyon manatını Azərbaycan Beynəlxalq Bankından alınmış aktivlər təşkil etmişdi. Ötən il Beynəlxalq Bankdan alınmış aktivlər 779 milyon manat azalıb.

MÜŞTƏRİLƏRƏ VERİLƏN KREDİTLƏR CÜZİ ARTIB

2017-ci illə müqayisədə 2018-ci ildə “Aqrarkredit” in müştərilərə verdiyi kreditlər 1% artaraq 80 milyon 658 milyon manata çatıb

31 dekabr 2018-ci il tarixində “Aqrarkredit”  13 milyard 494 minlyon manat cəmi öhdəliklərinin 13 milyard 451 milyon manatını buraxılmış borc qiymətli kağızları təşkil edib. İlin sonunda “Aqrarkredit” 23 milyon 282 min manat cəmi kapitala malik olub.

marja

Ən sərfəli krediti almaq üçün müraciət et

Bank işi kursları

Banco Academy

Qeydiyyatdan keç