Rusiyada rubla verilən ipoteka kreditlərinin illik faiz dərəcəsi iyulda da azalmaqda davam edib.
“Report” bu barədə Rusiya mətbuatına istinadən xəbər verir.
Məlumata görə, ay ərzində milli valyuta ilə ayrılan kreditlərin orta faizi 10,94% təşkil edib ki, bu da tarixi minimum sayılır. Qeyd edək ki, bu ilin yanvar-iyul aylarında yerli kredit təşkilatları 927,7 mlrd. rubl (təxminən 27,367 mlrd. manat) məbləğində həcmində 507,9 min ipoteka krediti verib ki, bu da illik müqayisədə təxminən 20% artım deməkdir.
