Rabitə sahəsində kredit qoyuluşlarının həcmi artıb | Banco.az

Rabitə sahəsində kredit qoyuluşlarının həcmi artıb

Bu ilin 7 ay ərzində kredit qoyuluşu bir sıra sahələrlə yanaşı, rabitə sektorunda da artıb. 

Bu barədə Mərkəzi Bankın (MB) “Kredit qoyuluşlarının sahələr üzrə strukturu” adlı statistik göstəricilərində məlumat verilib.

MB-nıin açıqladığı statistikaya görə, sözügedən müddətdə “Nəqliyyat və rabitə”də kredit qoyuluşları 72,7 milyon manat artaraq 578,7 milyon manata çatıb. Bundan başqa, “Ticarət və xidmət” sektorunda 238,9 milyon manat artaraq 2 milyard 458.8 milyon manat, “Sənaye və istehsal”da 478,4 milyon manat artaraq 1 milyard 994.8 milyon manat olub.

Qeyd edək ki, bu ilin yanvar-iyul ayları ərzində real sektora kredit qoyuluşu 1 milyard 611,1 milyon manat və ya 10,4% artaraq 15 milyard 422.9 milyon manatdan 17 milyard 34 milyon manata yüksəlib.

Real sektora kredit qoyuluşunun 6 milyard 986,1 milyon manatını ev təsərrüfatlarına verilmiş kreditlər, o cümlədən 999,6 milyon manatını daşınmaz əmlakın tikintisinə və alınmasına (ipoteka krediti daxil olmaqla) verilmiş kreditlər təşkil edib.

Ən sərfəli kredit üçün müraciət et

ANS PRESS

Ən sərfəli krediti almaq üçün müraciət et

Bank işi kursları

Banco Academy

Qeydiyyatdan keç