Pensiya sisteminin inkişafına dair yol xəritələri hazırlanır | Banco.az

Pensiya sisteminin inkişafına dair yol xəritələri hazırlanır

Jurnalistlərə açıqlamasında Əmək və əhalinin sosial müdafiəsi naziri Sahil Babayev aidiyyəti dövlət qurumlarının iştirakı ilə pensiya sahəsində yol xəritələrinin ilkin layihələrinin hazırlandığını bildirib.

Nazir qeyd edib ki, beynəlxalq təşkilatlarla əməkdaşlıq çərçivəsində Azərbaycanda pensiya sisteminin inkişafına dair qısa, orta və uzun müddətli yol xəritələri hazırlanır: "Bildiyiniz kimi, pensiya sistemi sığorta sistemidir və sığorta sistemi kimi müəyyən aktual hesablamalara, demoqrafik göstəricilərə əsaslanır. Ona görə də müvafiq beynəlxalq təşkilatlar, xarici ekspertlərlə birgə Azərbaycanın 2025, 2030 və 2050-ci ilə qədər demoqrafik inkişafına dair proqnozlar hazırlayırıq. Bu proqnozlar üzərindən də pensiya sisteminin inkişafı proqramı hazırlanacaq".

Ən sərfəli kredit üçün müraciət et

Ən sərfəli krediti almaq üçün müraciət et