"PAŞA Bank"ın Gürcüstandakı törəməsi böyüyüb | Banco.az

"PAŞA Bank"ın Gürcüstandakı törəməsi böyüyüb

Bu il iyulun 1-nə "PAŞA Bank"ın Gürcüstandakı törəməsinin ("PAŞA Bank Gürcüstan") aktivləri 414,598 milyon lari (238,394 milyon manat) olub ki, bu da illik müqayisədə 42% çoxdur. Bunun 232,02 milyon larisi (133,412 milyon manatı) müştərilərə verilmiş kreditlərdir. Son 1 ildə Bankın kredit portfeli 68,5% böyüyüb.

Hesabat tarixinə "PAŞA Bank Gürcüstan"ın öhdəlikləri isə 310,691 milyon lari (178,647 milyon manat) təşkil edib ki, bu da illik müqayisədə 68,2% çoxdur. Bunun 151,794 milyon larisi (87,282 milyon manatı) müştərilərdən alınmış depozitlərdir. Ötən il Bankın depozit portfeli 2,3 dəfə böyüyüb.

Son 1 ildə "PAŞA Bank Gürcüstan"ın balans kapitalı 3,1% azalaraq 103,906 milyon lariyə (59,746 milyon manata) düşüb. Bankın nizamnamə kapitalı isə dəyişməyərək 103 milyon lari (59,225 milyon manat) qalıb. 

Ən sərfəli kredit üçün müraciət et

"PAŞA Bank Gürcüstan" bu ilin I yarısını 3,514 milyon lari (2,021 milyon manat) zərərlə başa vurub. Halbuki, Bank ötən ilin eyni dövründən 1,996 milyon lari (1,148 milyon manat) mənfəətlə çıxmışdı.

Yanvar-iyun aylarında "PAŞA Bank Gürcüstan"ın gəlirləri 14,27 milyon lari (8,205 milyon manat), o cümlədən faiz gəlirləri 12,73 milyon lari (7,32 milyon manat), qeyri-faiz gəlirləri 1,539 milyon lari (885 min manat), xərcləri 16,128 milyon lari (9,274 milyon manat), o cümlədən faiz xərcləri 3,977 milyon lari (2,287 milyon manat), qeyri-faiz xərcləri 12,151 milyon lari (6,987 milyon manat), xüsusi ehtiyatlara ayırmaları isə 1,655 milyon lari (952 min manat) təşkil edib.

1 lari = 0,575 manat

Renkinq.az

Ən sərfəli krediti almaq üçün müraciət et

Bank işi kursları

Banco Academy

Qeydiyyatdan keç