Overdraft nədir  və hansı banklar müştərilərinə təklif edir?

Overdraft, əsasən əmək haqqı kart sahibları üçün nəzərdə tutulmuş bir kredit növüdür. Yəni, kart sahibi aldığı əmək haqqından vəya hesabında olan puldan daha artıq pul xərcləyə bilər. Bunun üçün bank tərəfindən həmin karta overdraft limiti təyin olunmalıdır. Ay ərzində növbəti əmək haqqına qədər pula olan ehtiyacın qarşılanması baxımından effektivdir.

Overdraftın limiti əmək haqqının məbləğinə və bankın prosedurlarına uyğun icazə verilmiş limitə uyğun təyin olunur. Faizli və ya faizsiz ola bilər. Faizsiz overdraftda ayrılmış limiti faiz hesablanmadan istifadə edib tələb olunan vaxta karta qoya bilərsiniz. Faizli overdraftda isə yalnız istifadə edilən məbləğə və müddətə uyğun faizlər hesablanır.

Mövcüd bankların yalnız beşi tərəfindən təklif edilən bu bank məhsulunun şərtləri ilə aşağıdakı araşdırmamızda tanış ola bilərsiniz:

1. Atabank əmək haqqı kartını həmin bankdan alan müştərilərə müddəti 30 günlük overdaft limiti təklif edir. Kreditdən yalnız əmək haqqı kartı həmin bankdan olan müştərilər yararlana bilər. Şərtlərə əsasən əmək haqqının 50 % i məbləğində overdraft limiti açıla bilər.

2. Kapital Bank da həmçinin əmək haqqı vəya təqaüdünü həmin bankdan alan müştərilə overdraft limiti təklif edir. Təklif edilən limit həm nağd, həm də nağdsız qaydada istifadə oluna bilər.

3. Overdaft limiti təklif edən banklardan biri də Paşa bankdır. Paşa bankın təklif etdiyi overdraft kreditinin digərlərindən fərqi və üstünlüyü ondan ibarətdir ki, əmək haqqı kartı bu bankdan olan müştərilər overdraft krediti əldə etdiyi zaman bunu heç bir faiz olmadan əldə edirlər.

4. Azər Türk Bank da müştərilərinə overdraft limit əklif edən banklardandır. Əmək haqqı kart sahibi olan müştəri hər ay balansına əlavə olaraq, maksimum əməkhaqqının yarısı  həcmində məbləğ əldə edə bilər. Məbləğ xərcləndikdə, gələn əməkhaqqından xidmət haqqı ilə birlikdə tutulur və ödəniş həyata keçdikdən sonra bərpa olur. Xidmət haqqı yalnız kredit xətti üzrə əlavə edilən məbləğ xərcləndikdə tutulur.

Kreditin məbləği: 50 – 500AZN 
Müddət: maks. 12ay

Kredit üzrə birdəfəlik bank komissiyası: 8%

5. Access Bankın təklif etdiyi overdaft limit isə müştərinin əmək haqqına kartına deyil, onun hesabı əsasında təyiun olunur. Pul vəsaitinə müvəqqəti ehtiyacı yaranan müştərilər üçün kredit məhsuludur və hesabdakı vəsaitdən daha artıq ödəniş etmək imkanı verir. Overdraft limiti müştərinin hesabları üzrə dövriyyəsindən asılı olaraq razılaşdırılır və 6-12 ay müddətinə təqdim olunur. Overdraft müştəri tərəfindən bir neçə dəfə, tam və ya qismən, təyin olunmuş müddət və məbləğ çərçivəsində istifadə oluna bilər.