“Kapital Bank”ın gəlirləri və xalis mənfəəti artıb - YENİ RƏQƏMLƏR | Banco.az

“Kapital Bank”ın gəlirləri və xalis mənfəəti artıb - YENİ RƏQƏMLƏR

“Kapital Bank” ASC 2018-ci ilin 9 ayını 71 milyon 92 min manat xalis mənfəətlə başa vurub. Müqayisə üçün qeyd edək ki, Bank 2017-ci ilin eyni dövründə 57 milyon 636 min manat xalis mənfəət əldə etmişdi. Beləliklə, Bankın xalis mənfəəti 13 milyon 456 min manat və ya 23,3% artıb.

 

"Kapital Bank" 2016-cı ilin 9 ayını isə 41 milyon 511 min manat xalis mənfəətlə bağlamışdı.

2018-ci ilin yanvar-sentyabr dövründə Bankın cəmi gəlirləri 344 milyon 787 min manat (faiz gəlirləri 234 milyon 57 min manat, qeyri-faiz gəlirləri 110 milyon 730 min manat), xərcləri isə 178 milyon 424 min manat təşkil edib. Xərclər gəlirlərdən çıxıldıqda Bankın 166 milyon 363 min manat əməliyyat mənfəəti qalıb.

"Kapital Bank" aktivlər üzrə mümkün zərərlərin ödənilməsi üçün xüsusi ehtiyatın yaradılmasına 76 milyon 414 min manat ayırıb. Nəticədə Bankın mənfəəti (vergidən öncə) 89 milyon 949 min manata düşüb. Mənfəətdən 18 milyon 857 min manat mənfəət vergisi ödənilib. Nəticədə də Bank 71 milyon 92 min manat xalis mənfəət əldə edib.

2017-ci ilin yanvar-sentyabr dövründə Kapital Bankın cəmi gəlirləri 291 milyon 45 min manat (faiz gəlirləri 194 milyon 704 min manat, qeyri-faiz gəlirləri 93 milyon 343 min manat), cəmi xərcləri isə 169 milyon 927 min manat təşkil etmiş, aktivlər üzrə mümkün zərərlərin ödənilməsi üçün xüsusi ehtiyatın yaradılmasına 47 milyon 647 min manat ayrılmışdı.

Ötən ilin 9 ayı ilə müqayisədə cari ildə “Kapital Bank”ın cəmi gəlirləri 18%, o cümlədən faiz gəlirləri 20%, qeyri-faiz gəlirləri 18,6% artıb.

AKTİVLƏRİ 3,5 MİLYARD MANATA YAXINLAŞIB

30 Sentyabr 2018-ci il tarixində “Kapital Bank” ASC-nin cəmi aktivləri 3 milyard 457 milyon 534 min manat təşkil edib. Bu, ötən ilin eyni dövrü ilə müqayisədə 432 milyon 399 min manat və ya 14,3% çoxdur.

Ən sərfəli kredit üçün müraciət et

MÜŞTƏRİLƏRƏ VERİLƏN KREDİTLƏR ARTIB

30 Sentyabr 2018-ci il tarixində “Kapital Bank”ın aktivlərinin 40%-ni və yaxud 1 milyard 380 milyon 270 min manatını müştərilərə verilmiş kreditlər təşkil edib. Ötən ilin 30 Sentyabr tarixində Bankın kredit portfeli 1 milyard 220 milyon 72 min manat idi. Beləliklə, müştərilərə verilən kreditlər 13% artıb.

Sentyabrın sonuna "Kapital Bank"ın cəmi öhdəlikləri isə 3 milyard 134 milyon 40 min manat olub və bu, ötən ilin eyni dövrü ilə müqayisədə 14,5% çoxdur. Bankın öhdəliklərinin 85%-ni və yaxud 2 milyard 674 milyon 820 min manatını depozitlər təşkil edib. Son 1 ildə Bankın depozit portfeli 19,5% böyüyüb.

Sentyabrın sonuna “Kapital Bank”ın cəmi balans kapitalı isə 323 min 494 min manat təşkil edib ki, bu da illik müqayisədə 12,4% çoxdur.

30 Sentyabr 2018-ci il tarixində "Kapital Bank" ASC-nin məcmu kapitalı 295 milyon 301 min manat təşkil edib. ötən ilin Sentyabrında Bankın məcmu kapitalı 249 milyon 586 min manat idi.

Marja.az

Ən sərfəli krediti almaq üçün müraciət et