"Kapital Bank"ın 2018 qazancı audit ilə 53 milyon manat da artıb | Banco.az

"Kapital Bank"ın 2018 qazancı audit ilə 53 milyon manat da artıb

"Ernst & Young" (EY) audit şirkəti "Kapital Bank" ASC-nin 2018-ci il üzrə konsolidə edilmiş maliyyə hesabatlarını təsdiqləyib və audit rəyi təqdim edib. 

"Kapital Bank" ASC 2018-ci ildə 150 milyon 996 min manat xalis mənfəət əldə edib. Bankın yerli standartlar əsasında açıqladığı hesabatında ötən il xalis mənfəətin 98 milyon 53 min manat olduğu açıqlamışdı. Beləliklə, Bankın autit olunmuş hesabatına görə, xalis mənfəət 52 milyon 943 min manat çoxdur.

Audit olunmuş hesabata görə, "Kapital Bank" 2017-ci ildə 112 milyon 407 min manat xalis mənfəət əldə edib.

2018-ci ildə "Kapital Bank"ın vergidən əvvəl mənfəəti 193 milyon 491 min mnata təşkil edib. Bank ötən il 42 milyon 495 min manat mənfəət vergisi ödəyib.

Ən sərfəli kredit üçün müraciət et

İllik hesabata görə, 31 Dekabr 2018-ci il tarixində "Kapital Bank"ın cəmi aktivləri 3 milyard 802 milyon manat, o cümlədən müştərilərə verilmiş kreditlər 1 milyard 410 milyon manat təşkil edib. Yerli standartlar əsasında tərtib edilmiş hesabatda Bankın cəmi aktivlərinin 3 milyard 716 milyon manat, o cümlədən müştərilərə verilmiş kreditlərin 1 milyard 500 milyon manat olduğu qeyd edilmişdi.

"Kapital Bank" ASC-nin 99,87%-i "PAŞA Holdinq"ə, 0,13%-i isə fiziki şəxslərə məxsusdur. 

Marja

Ən sərfəli krediti almaq üçün müraciət et