Bu il iyulun 1-nə “Kapital Bank” ASC-də aidiyyəti olan 836 fiziki və hüquqi şəxs olub.
Bu barədə Bankın idarəetmə hesabatına istinadən xəbər verilir.
Məlumata görə, bu, ötən il iyulun 1-i ilə müqayisədə 62,65% çoxdur.
Son 1 ildə “Kapital Bank”a aidiyyəti olan fiziki şəxslərin sayı 63,9% artaraq 785-ə, hüquqi şəxslərin sayı isə 45,7% artaraq 51-ə çatıb.
Banka aidiyyəti olan şəxslər dedikdə kredit təşkilatının inzibatçıları və onların yaxın qohumları, struktur bölmələrinin rəhbərləri və onların yaxın qohumları və s. şəxslər nəzərdə tutulur.
Xatırladaq ki, "Kapital Bank" 2004-cü ildə, Birləşmiş Universal Səhmdar Bankının ("BUS Bank") bazasında yaradılıb. Onun nizamnamə kapitalı 225,85 milyon manatdır. Bankın səhmlərinin 99,88%-i daxil olduğu “PAŞA Holdinq” MMC-yə, 0,12%-i isə 188 fiziki şəxsə məxsusdur.
Report.az
