Bu ilin iyul ayında Dövlət Gömrük Komitəsinin (DGK) xətti ilə dövlət büdcəsinə 413 milyon 394,4 min manat həcmində vergi və rüsumlar daxil olub ki, bu da 2018-ci ilin müvafiq dövrü ilə müqayisədə 91 milyon 232,9 min manat və ya 28,32% çoxdur.

DGK-dən verilən məlumata görə, hesabat ayında dövlət büdcəsinə daxil olan gömrük rüsumlarının həcmi ötən ilin analoji ayı ilə müqayisədə 27 milyon 19 min manat və ya 31,43% artaraq 112 milyon 970,2 min manat olub.

Həmçinin ƏDV üzrə daxilolmaların həcmi 54 milyon 528,6 min manat və ya 25,42 artaraq 269 milyon 36,9 min manat, aksizlər 7 milyon 401,6 min manat və ya 40,56% artaraq 25 milyon 648,7 min manat, yol vergisi üzrə daxilolmalar isə 2 milyon 283,7 min manata və ya 66,1% artaraq 5 milyon 738,6 min manat təşkil edib.

Report.az