Energetik içkilərə nə qədər vergi gəlir? - DETALLAR | Banco.az

Energetik içkilərə nə qədər vergi gəlir? - DETALLAR

Azərbaycanda istehsal olunan alkoqollu, alkoqolsuz energetik içkilər, siqarlar, elektron siqaretlər aksiz vergisinə cəlb edilir.

Bununla bağlı Vergi Məcəlləsinə dəyişiklik olunur.

Məcəllənin 190-cı (Aksizli malların siyahısı və vergi dərəcələri) maddəsinə edilən əlavəyə əsasən, alkoqollu energetik içkilərin hər litrinə 2 manat, alkoqolsuz energetik içkilərin hər litrinə 3 manat, siqarların, o cümlədən ucları kəsilən siqarların hər bir ədədinə 1 manat, elektron siqaretlər üçün mayenin hər litrinə 20 manat aksiz vergisi tutulacaq.

Bu mallara görə asksizin məbləği aksiz dərəcəsi ilə həmin malların faktiki həcminin hasilinə tətbiq edilməklə hesablanır.

Layihə yaxın günlərdə Milli Məclisdə müzakirəyə çıxarılacaq.

Əgər qanun qəbul olunarsa 250 ml alkoqolsuz energetik içkinin qiymətləri 75 qəpik bahalaşacaq və 1,5 manat civarına yüksələcəkdir.

© Report

Bankirə sual

BANKİRƏ SUAL VER

Bank işi kursları

Banco Academy

Qeydiyyatdan keç