"Dünya Bankından kredit cəlb etməyi planlaşdırırıq" | Banco.az

"Dünya Bankından kredit cəlb etməyi planlaşdırırıq"

“Azərbaycan Dəmir Yolları” QSC Bakı-Astara (İran sərhədi) dəmir yolunun yenidənqurulmasına Dünya Bankından kredit cəlb etməyi planlaşdırır.

Bu barədə QSC-nin sədri Cavid Qurbanov deyib.

“Bakı-Astara dəmir yolunun yenidənqurulması məqsədilə Dünya Bankına müraciət etmişik. Bundan əlavə, bu layihənin icrasına Azərbaycan prezidenti tərəfindən də maliyyə ayrılıb. Bütün bu vəsait əsasında 243 km uzunluğunda dəmir yolunun yenidən qurulmasını və bir xəttdən iki xəttə çevrilməsini, elektikləşdirilməsini, xəbərdarlıq və rabitə sistemini yeniləməyi planlaşdırırıq”, - C.Qurbanov cümə günü jurnalistlərə bildirib.

Onun sözlərinə görə, hazırda xarici şirkətlərlə Lənkəran rayonu ərazisində dəniz kənarı boyu Bakı-Astara dəmir yolunun yeni hissəsinin layihələndirilmə işləri aparılır.

“Yeni yolun salınması məqsədilə torpaqların satın alınması məsələləri artıq başa çatıb. 2019-cu ildə layihələndirmə işlərinin başa çatmasını gözləyirik. Gələn ilsən bu yolun maliyyələşdirilməsi və tikintisi ilə bağlı işlərin icrasına başlanacaq”, - C.Qurbanov qeyd edib.

“Bəli, bu layihənin biz tərəfindən maliyyələşdirilməsi təklifi daxil olub. Lakin müzakirələr hələlik ilkin mərhələdədir”, -  Dünya Bankının Bakıdakı nümayəndəliyindən məlumat verilir.

C.Qurbanov həmçinin qeyd edib ki, ADY 2019-cu ilin yayında Bakı-Yalama (RF ilə sərhəd) dəmir yolunun yenidənqurulmasına başlamağı planlaşdırır.

Xəbəır verildiyi kimi, Asiya İnkişaf Bankı (AİB) Azərbaycana dəmir yolları sısteminin inkişafına 400 mln. dollar məbləğində kreditin ayrılmasını təsdiq edib. Kredit vəsaitləri hesabına “Azərbaycan Dəmir Yolları” (ADY) QSC-nin idarəetmə sisteminin gücləndirilməsinə yönəlmiş tədbirlərin həyata keçirilməsi, cəmiyyətin maliyyə aktivliyinin artırılması, ADY-nin yeni korporativ qurumunun yaradılması, eləcə də Bakıdan Rusiya sərhədinə qədər dəmir yolu infrastrukturunun modernləşdirilməsi nəzərdə tutulur.

Bakı–Yalama dəmir yolu Şimal-Cənub nəqliyyat dəhlizinin bir hissəsidir. Bu dəhliz ilə iri həmcdə yüklərin daşınması gözləntilərini nəzərə alaraq, Azərbaycan hökuməti Bakı-Yalama və Bakı-Astara (İran sərhədi) dəmir yolllarının yenidənqurulmasını həyata keçriməyi qərara alıb.

Şimal-Cənub nəqliyyat dəhlizi Çimali Avropanı Cənub-Şərqi Asiya ilə, həmçinin Azərbaycan, İran və Rusiyanın dəmir yollarının birləşdirilməsinə xidmət edir. İlkin mərhələdə bu dəhliz ilə illik 5 mln. ton, gələcəkdə - 10- mln. tondan artıq yük nəqli planlaşdırılır.

“İnterfaks-Azərbaycan”

Bank işi kursları

Banco Academy

Qeydiyyatdan keç