Dövlət Məşğulluq Xidməti tərəfindən bu il 1716 nəfər əlilliyi olan şəxs işlə təmin edilib | Banco.az

Dövlət Məşğulluq Xidməti tərəfindən bu il 1716 nəfər əlilliyi olan şəxs işlə təmin edilib

Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti tərəfindən bu ilin ötən dövründə 1716 nəfər əlilliyi olan şəxs müxtəlif idarə, müəssisə və təşkilatlarda münasib işlərlə təmin olunub. Nazirlikdən verilən məlumata görə, həmin şəxslərin hər biri ilə əmək müqaviləsi bağlanaraq elektron sistemdə qeydiyyatdan keçirilməklə rəsmiləşdirilib. Eyni zamanda, əlilliyi olan şəxslərin kiçik sahibkarlığa çıxışına şərait yaradılması üçün onların ozünüməşğulluq proqramına cəlb edilməsi işləri davam edir. Bu ilin ötən dövründə Xidməti tərəfindən 1000-dək əlilliyi olan şəxs həmin proqrama cəlb olunub və proqram çərçivəsində müvafiq təlimlərdə iştirak edib.

Ən sərfəli kredit üçün müraciət et

Əlilliyi olan şəxslərin məşğulluq imkanlarının artırılmasında onların peşə hazırlığının təşkili də mühüm rola malikdir. Cari ildə nazirliyin xətti ilə 205 nəfər (o cümlədən 176 nəfər üçün nazirlik yanında Dövlət Sosial Müdafiə Fondunun 1 saylı Sağlamlıq İmkanları Məhdud Gənclərin Peşə Reabilitasiya Mərkəzində, 29 nəfər üçün Dövlət Məşğulluq Xidmətinin xətti ilə) peşə hazırlığı kursları təşkil olunub.

Vergiler.az

Ən sərfəli krediti almaq üçün müraciət et