Çinin ABŞ-a ixracı Avqust ayında əvvəlki ilin eyni ayı ilə müqayisədə 16 faiz azalıb. Çində ixrac dollar əsasında 1 faiz geriləyib, idxal 5.6 faiz düşüb.

Çinin ixracı ABŞ və Çin arasında dərinləşən ticarət müharibəsi ilə Avqust ayında gözlənilməz bir şəkildə geriləyib.

Çin Gömrük İdarəsi tərəfindən Bazar günü açıqlanan məlumatlara görə, dollarda ifadə olunan ixrac əvvəlki ilin eyni ayı ilə müqayisədə 1 faiz azalıb, idxal isə 5.6 faiz düşüb və bununla da Çinin xarici ticarət artığı 34.84 milyard dollar səviyyəsində olub.

İqtisadçıların gözləntisi ixracın 2 - 2.2 faiz artması, idxalın 6 - 6.4 faiz azalması istiqamətində idi.

Çindən ABŞ-a ixrac əvvəlki ilin eyni ayı ilə müqayisədə 16 faiz azalıb.

Çinin yuanda ifadə olunan ticarət balansı 299.3 milyard yuana qarşılıq 239.6 milyard yuan təşkil edib. Yuanda idxal 3.1 faiz azalacağı gözlənərkən geriləmə 2.6 faiz səviyyəsində olub. İxrac isə, 6.3 faiz artım proqnozuna  qarşılıq 2.6 faiz artıb.

ABŞ Prezidenti Donald Tramp, bu ayın əvvəlindən Çin məhsullarına tətbiq olunan gömrük rüsumlarını Oktyabr ayından etibarən qaldıracaq və müzakirələrdə irəliləmə qeyd olunmaması halında Dekabrda da artımın təkrar olunacağını söyləmişdir.

ABŞ və Çin arasındakı yüksək səviyyəli üz-üzə ticarət danışıqlarının qarşıdakı həftələrdə Vaşinqtonda baş tutacağı  bildirilib.

Marja