Bu gün Fed faiz qərarını açıqlayacaq | Banco.az

Bu gün Fed faiz qərarını açıqlayacaq

ABŞ Mərkəzi Bankının (Fed) iki gün davam edən iclası bu gün başa çatacaq. 

Fed Bakı vaxtı ilə saat 22:00-da faiz qərarını açıqlayacaqdır. Saat 22:30-da isə Fed sədri Cerom Pauelin mətbuat konfransı başlayacaqdır.

Bu gün Fed-in faizləri 25 bənd də azaldaraq 2% - 2,25% aralığından 1,75% - 2% aralığına salacağı gözlənilir. 

25 bəndlik faiz endirimi ehtimalı artıq bazarlarda qiymətlərdə əks olunmuş vəziyyətdədir. İndi nəzərlər ilin qalan hissəsi üçün veriləcək mesajlarda olacaqdır. Əgər Fed daha çox faiz endirimi gözləyənlərdə məyusluq yaradarsa, Dolların daha da güclənməsi ilə yanaşı, Avro bu ilin yeni ən aşağı səviyyələrini test edə bilər.

Fed pronozdan (25 bənddən) daha çox faiz endirərsə Dollar kəskin ucuzlaşa bilər.

Fed İyul iclasında faizləri 25 bənd azaldaraq 2,25% - 2,50% aralığından 2% - 2,25% aralığına endirmişdi.

Ticarət "müharibələri" investisiyalara və istehsala mənfi təsir göstərir, qlobal iqtisadi artım yavaşlayır. Eyni zamanda, geosiyasi şərait gərgin və qeyri-müəyyəndir. Mövcud vəziyyət ABŞ iqtisadiyyatı üçün risklər yaradır. Fed qabaqlayıcı tədbir olaraq faizləri aşağı salmağa başlayıb. 

ABŞ Prezidenti Donald Tramp Fed-i daha çox faiz endirimədiyinə görə tənqid edir. 

Ən sərfəli kredit üçün müraciət et

Tramp Twitter hesabından, "Avropa Mərkəzi Bankı sürətli hərəkət edərək faizi 10 bənd aşağı saldı. Onlar Avronu çox güclü Dollar qarşısında dəyərdən salaraq ABŞ-ın ixracına zərər verməyi yoxlayırlar və nail olurlar. Ancaq Fed hələ də oturur və oturur və oturur." ,- deyib.

ABŞ Prezidenti  Donald Tramp, Fed sədri Cerom Paueli və Fed-i faizlər məsələsindəki mövqeyinə görə "qanmaz" kimi də qiymətləndirib. Tramp Fed-in faizi sıfır səviyyəsinə, ya da daha aşağı salması lazım olduğunu söyləyib.

"İnflyasiya yoxdur!  Pauell və Fed-in digər ölkələrin etdiklərini etməmələri sadəcə bir saflıqdır. Həyatda bir dəfə gələn bir fürsəti Qanmazlar üzündən qaçırırıq",-  Donald Tramp deyib. 

Mərkəzi bankların əsas məqsədləri inflyasiya hədəflərinə nail olmaqdır. Adətən bu hədəf  2% civarında olur. İnflyasiya 2%-i keçən zaman Mərkəzi Bank faizləri artıraraq qiymətlərin yüksəlməsinin qarşısını alır. İnflyasiyanın 2%-ə çatması üçün isə faizlər aşağı salınır. Aşağı faizlər istehsalı və istehlakı artırır, yüksək faizlər isə azaldır. 

Adətən faiz dərəcələrindəki artan tendensiya ölkənin pul vahidini bahalaşdırır. Yüksək faiz nisbətləri ölkənin pul vahidinə olan tələbi artırır. Faizlər aşağı düşdükcə ölkənin pul vahidinə tələb azalır və dəyər itirir. 

Marja

Ən sərfəli krediti almaq üçün müraciət et