Bu gün "bitcoin"in kriptovalyuta bazarı kapitallaşmasında payı tarixinin ən minimal səviyyəsi olan 36%-ə enib.
"Report" xəbər verir ki, bundan əvvəl "bitcoin"in bazar payında ən minimal hədd 2017-ci ilin iyun ayının 20-də qeydə alınıb.
Həmin tarixdə onun kriptovalyuta bazarı kapitallaşmasında payı 37,55% təşkil edib.
Qeyd edək ki, hazırda "bitcoin"in qiyməti 13 400 dollar, onun bazar kapitallaşması 224,6 mlrd. dollardır. Kriptovalyuta bazarının məcmu kapitallaşması isə 620 mlrd. dollara bərabərdir. Bazarda 1 381 kriptovalyuta və 7 442 birja fəaliyyət göstərir.
Xatırladaq ki, "bitcoin"in qiyməti 2017-ci ilin dekabrın 17-də 20 078 dollar, kapitallaşması isə 336,2 mlrd. dollar olub. Bu zaman onun bazar payı 55% təşkil edib.
"Report"un analitik qrupu bildirir ki, "bitcoin"in bazar payı tədricən azalmaqda davam edəcək.
