Banklarımız Twitter-də nə qədər aktivdir? - ARAŞDIRMA | Banco.az

Banklarımız Twitter-də nə qədər aktivdir? - ARAŞDIRMA

Günümüzdə sosial mediasız həyatı təsəvvür etmək demək olar ki, çətinləşib. Bu platforma sadəcə söhbət etmək və ya məlumat almaq üçün deyil, eyni zamanda şirkətlərin özünü nümayiş etdirə biləcəyi arenadır. Bura bir növ döyüş meydanıdır. Rəqabətin qoxusunu isə duymamaq olmur. Banklar bu platformada geniş auditoriya yığmaqda olduqca maraqlıdırlar. Bu isə başadüşüləndir. Facebook-da açılan səhifələr hal-hazırda kifayət qədər idarə olunur.

Amma hər şey Facebook-la bitmir. Sosial medianın tərkibində çox sayda şəbəkələr mövcuddur. Bu gün sizə banklarımızın Twitter fəaliyyətini təqdim edəcəyik.

Twitter- ani düşüncələrinizi bildirməyə yarıyan, 140 hərf limiti olan və Facebook-la müqayisədə daha aktiv bir mühitdir. Buna baxmayaraq, Azərbaycanda banklar Twitter-dən kifayət qədər istifadə etmirlər. Yəni Facebook-da göstərdikləri səyi Twitter-də görmək olmur. Bunu isə anlamaq bir az çətindir.

Sosial media və xəbərlər arasındakı əlaqəni araşdıran Pew Research Center-in son araşdırması nəticəsində məlum olmuşdur ki, Twitter istifadəçiləri Facebook istifadəçilərindən oxumağa daha çox meyllidirlər. Twitter istifadəçilərinin 45%-i 18-29 yaş arasında olarkən, Facebook istifadəçilərinin 34%-i bu yaş aralığındadır. 65 yaş və daha yuxarı Twitter istifadəçilərinin nisbəti yalnız 2% ikən, Facebook-da bu nisbət 7%-dir. Artıq gənclər Facebook-dan uzaqlaşaraq digər sosial şəbəkələrə yönəlir. Facebook da bunu qəbul etmiş, Facebook-un gənclər arasında məşhurluğunun azaldığını dilə gətirmişdi. Genişlənən oxucu auditoriyasının olduğu Twitter-də bankların sakit fəaliyyətini anlamaq çətindir. Sizə Twitter-də olan banklar, onların Twitter səhifələri və  göstəricilərini təqdim edəcəyik. Bildirmək istərdim ki, Bankların sıralaması onların izlənmə sayına əsasən hazırlanıb.

Bank

Followers Following Tweets

Unibank   

997

12

2687

Paşa Bank 

841 47 1080

Azər-Türk Bank 

817 2 737

Bank of Baku 

724

- 1400

Kapital Bank

513

43 1688

Atabank 

414 8 450

AccessBank 

310 4 421

Beynəlxalq Bank

113 3 604

Turanbank

100 7 397

Nikoil Bank 

32 6 1468

Yapı Kredi Bank Azərbaycan 

31 1 18

Muğanbank   

26 75 74

 

Unibank banklar arasında həm izlənmə, həmdə paylaşdığı Tweet-lərinin sayına görə birincidir. Digər iki yerdə isə Paşa bank və Azər Türk Bank yerləşir.

Hər bir halda Sosial mediadan bacardıqca yaxşı istifadə etmək lazımdır.

Əziz banklarımız, Follower-lərinizin çox olması diləyilə, uğurlar. :)

Güllü Nağıyeva, banco.az

Bankirə sual

BANKİRƏ SUAL VER

Bank işi kursları

Banco Academy

Qeydiyyatdan keç