Bakı Appelyasiya Məhkəməsi ləğv prosesində olan “Bank Standard” QSC-nin 2017-ci ilin II və III rübləri üzrə ləğv panlarını təsdiqləyib.
Bu barədə Bankın Kreditorlar Komitəsinin bu hün keçirilən növbəti iclasında qurumun sədri, hüquqşünas Əkrəm Həsənov məlumat verib.
Onun sözlərinə görə, təsdiqlənmiş planlar Kreditorlar Komitəsini qane etmədiyindən məhkəmə qərarlarından Ali Məhkəməyə kassasiya şikayəti verilib.
"Azərbaycan Əmanətlərin Sığortalanması Fondunun (ADIF) kreditorlarının "Bank Standard"dakı pulunu götürmək üçün ilk növbədə olması ölkə konstitusiyasına zidddir. Ali Məhkəmənin münasibətini gözləyirik. Əgər eyni mövqe qalsa, Konstitusiya Məhkəməsinə müraciət edəcəyik. Banka borcu olan şəxslərin siyahısı yoxdur. Bu barədə də Ali Məhkəməyə şikayət edilib", - deyı, o qeyd edib.
Xatırladaq ki, bugünki iclasın gündəliyinə 2 məsələ - "Bank Standard"ın ləğv planı və Bankın müflisləşməsində təqsirkar şəxslərə qarşı qaldırılan iddialar daxil edilib.
