"Bank sektorundan müsbət siqnallar alırıq" | Banco.az

"Bank sektorundan müsbət siqnallar alırıq"

“Azərbaycan əhalisinin banklarla bağlı borc yükünün müəyyən çərçivəyə salınması ilə bağlı addımlar atılır. Artıq bu addımlar nəticəsini verib”.

Bunu Maliyyə Bazarlarına Nəzarət Palatasının (MBNP) baş icraçı direktoru İbrahim Alışov Bakıda keçirilən 7-ci Beynəlxalq "Caspian Energy Forum Baku-2018" tədbirində deyib.

Bundan başqa, sözlərinə görə, bank sektorunda aparılan islahatlar nəticəsində ötən ilin II yarısından etibarən bank sektorundan müsbət siqnallar almaq mümkün olub: "Son 1 ildə Azərbaycan banklarında əhalinin əmanətləri 16% artıb. Dedollarşma göstəricisi ilin əvvəlindən 66.7%-dən 63%-ə enib..

Bu il banklar 3,2 mlrd. kredit verib ki, bunun 2 mlrd. manatı biznes kreditləridir. Kreditləşmənin 70%-i manatla həyata keçirilib.

Bankların səhmdarları 1,5 mlrd. manatlıq kapital ineksiyası həyata keçirb ki, bunun da 500 mln. manatı son 1 ilin payına düşüb. Bu ilin əvvəlindən isə 348 mln. manatlıq kapital ineksiyası həyata keçirilib. Hazırda maliyyə sektorunun aktivlərinin 97%-i banklara, 2,4%-i sığorta şirkətlərinə, 0,6%-i isə qiymətli kağızlar bazarının iştirakçılara məxsusdur. 30 bankdan 15-i xarici kapitallıdır". 

© Report

Bankirə sual

BANKİRƏ SUAL VER

Bank işi kursları

Banco Academy

Qeydiyyatdan keç