Azər Türk Bankdan şirkət və fərdi sahibkarlar üçün bayram kampaniyası | Banco.az

Azər Türk Bankdan şirkət və fərdi sahibkarlar üçün bayram kampaniyası

Azər Türk Bank «Korporativ müştərilər üçün Novruz sevinci!»  adlı yeni bayram kampaniyasına başlayıb.

Kampaniyanın şərtlərinə uyğun olaraq Bankda korporativ müştərilər üçün cari hesablar ödənişsiz açılacaqdır. Kampaniya ərzində Azər Türk Bankla əməkhaqqı layihəsi çərçivəsində əməkdaşlığa başlayan təşkilatlara işçiləri üçün üçillik xidmət müddətli MasterCard Debet əməkhaqqı kartları Bank tərəfindən, sayına məhdudiyyət qoyulmadan, pulsuz veriləcəkdir. Həmçinin, həmin təşkilatların rəhbər şəxslərinə Premium seqmentli əmək haqqı kartları hədiyyə ediləcəkdir.

Eləcə də fərdi sahibkar olan müştərilər Azər Türk Bankda cari hesablarını ödənişsiz aça biləcəklər. Bu müştərilərə də işçiləri üçün üçillik xidmət müddətli MasterCard Debet əməkhaqqı kartları Bank tərəfindən pulsuz veriləcəkdir. Bundan əlavə, kampaniya müddətində cari hesab açan fərdi sahibkarlara bütün bank əməliyyatlarını məsafəli şəkildə aparmağa imkan verən Sahibkar Kartı  hədiyyə edilir.

Korporativ müştərilər cari hesab hərəkətləri barədə mobil telefona və e-poçt ünvanına elektron bildirişlərin göndərilməsi xidmətinə də qoşula bilərlər. Xidmət haqqı aylıq bir manatdır.

Kampaniya ərzində POS-terminallarının quraşdırılması və əməliyyatların aparılması üzrə komisyon haqqı tutulmayacaqdır.

Qeyd edək ki, Azər Türk Bankın müştəriləri əməkhaqqı kartları ilə ölkə daxilində istənilən bankın bankomatından vəsaitlərini çəkdikləri zaman faiz və ya komissiya tutulmur.

Kampaniya 30 aprel tarixinədək davam edəcəkdir.

Daha ətraflı məlumatı  www.azerturkbank.azsaytından, Bankın sosial şəbəkələrdəki rəsmi korporativ səhifələrindən, Whats App (055) 7770-945, yaxud (012) 945 nömrəli Məlumat Mərkəzindən əldə edə bilərsiniz.

Bank işi kursları

Banco Academy

Qeydiyyatdan keç