"Avropanın sənaye fondu yaradılacaq" | Banco.az

"Avropanın sənaye fondu yaradılacaq"

Avropa İttifaqı (Aİ) dünyadakı rəqiblərindən geri qaldığı bəzi strateji sahələrə sərmayə qoymaq məqsədi ilə 100 milyard avro həcmində fond təsis etmək niyyətindədir.

 Aİ-nin müvafiq sənədlərində Avropanın Gələcəyi Fondu (European Future Fund) adı verilən yeni fond “Google”, “Apple”, “Alibaba” kimi nəhəng təsisatlarla rəqabət apara biləcək şirkətlərə, sənaye qruplarına sərmayə qoymaq üçün üzv ölkələr tərəfindən maliyyələşdiriləcək.

Belə bir fondun yaradılmasının Avropa işgüzar mühitini həm də subsidiyalarla bağlı olan haqsız rəqabətdən qoruyacaq “fəal sənaye siyasəti alətləri”ni yaratmaqla bağlı Fransa və Almaniya tərəfindən səsləndirilmiş çağırışlara uyğun olacağı da qeyd olunur.

Ən sərfəli kredit üçün müraciət et

Bu layihənin müəllifləri Avropa İttifaqı sərhədlərindən kənardakı şirkətlərin “Aİ innovasiya fəaliyyətlərinə, müəyyən sənaye sektorlarındakı vəziyyətinə sarsıdıcı zərbə endirə biləcək misilsiz maliyyə ehtiyatlarına malik” olduqlarını qeyd edirlər. Burada daha çox “Google”, “Apple”, “Facebook” kimi texnologiya nəhəngləri, həmçinin dünya rəqəmsəl sənayesinə hökmranlıq edən “Baidu”, “Tencent”, on-line ticarətində rəqib tanımayan “Amazon” və “Alibaba” kimi şirkətlər nəzərdə tutulur. “Avropada belə şirkətlər yoxdur. Bu da iqtisadi artım, iş yerləri, başlıca strateji sahələrdə Avropanın nüfuzuna təhlükə yaradır”, – Aİ-nin sənədlərində vurğulanır.

report.az

Ən sərfəli krediti almaq üçün müraciət et

Bank işi kursları

Banco Academy

Qeydiyyatdan keç