Avropada yeni əskinaslar dövriyyəyə buraxılıb | Banco.az

Avropada yeni əskinaslar dövriyyəyə buraxılıb

Yeni əsginazı saxtasından ayırmaq daha asan olacaq.

Avrozonada yeni 20 euroluq əsginaz bu gün dövriyyəyə buraxılacaq. Banco.az "ANSPRESS"ə istinadən məlumat verir ki,  bu barədə Avropa Mərkəzi Bankı (ECB) açıqlama verib. Açıqlamada, çərşənbə günü dövriyyəyə buraxılacaq əsginazı saxtasından ayırmağın daha asan olacağı bildirilib. Belə ki, əsginazın üzərindəki holoqram zolağında, işığa tutulduğu vaxt şəffaflaşan portret pəncərəsi görünəcək. 

Açıqlamada, yeni əsginazdan 4.3 milyard euro məbləğində çap olunduğu, yeni pulun yavaş-yavaş köhnənin yerini tutacağı, amma köhnə əsginazın da dövriyyədə qalacağı bildirilib. 

ECB İdarə heyətinin üzvü İv Merş (Yves Mersch) nəğd pulun hələ də əhəmiyyətli bir ödəmə vasitəsi olduğunu deyib: “Nəğd pul əvvəllər olduğu kimi yenə də əhəmiyyətli bir ödəmə vasitsi olmağa davam edir. Yeni 20 euroluq əsginazın dövriyyəyəyə buraxılması bunun konkret nümunəsidir.” 





Ən sərfəli kredit üçün müraciət et

 

Ən sərfəli krediti almaq üçün müraciət et