"Aqrarkredit" ABB-yə borcunu qaytara bilməyən şirkətin səhmdarı olub | Banco.az

"Aqrarkredit" ABB-yə borcunu qaytara bilməyən şirkətin səhmdarı olub

Rusiyalı kinoprodüser Aleksandr Rodnyanskiyə məxsur "Non-Stop Production" şirkətinin səhmlərinin 49%-i Lüksemburqun "Excalibur" şirkətinə satılıb. "Kommersant" qəzetinə istinadən xəbər verilir ki, "Excalibur" "Azərbaycan Beynəlxalq Bankı" ASC-nin (ABB) problemli kreditlərini idarə edən "Aqrarkredit" QSC-yə məxsusdur.

Rusiya şirkəti ABB-dən kredit götürüb.

"Aqrarkredit" QSC-nin əsas məqsədi problemli kreditlərin effektiv şəkildə  qaytarılmasıdır. Bunun üçün QSC "Vertikal Kapital" şirkəti ilə müqavilə imzalayıb. Sonuncu artıq A. Rodnyanskiyə etirazını rəsmi qaydada bildirib. A. Rodnyanskinin "Aqrarkredit"ə 4 mln. dollar və 290 mln. rubl borcu var. "Vertikal Kapital"ın açıqlamasına əsasən, prodüserin şirkəti ABB-nin Rusiyadakı törəməsi olan "ABB-Moskva" qarşısındakı öhdəliyini yerinə yetirməkdə də çətinlik çəkir.

Ən sərfəli kredit üçün müraciət et

"Excalibur" şirkətinin investisiya tərəfdaşı olan "AR Films"in rəhbəri Fyodor Petrov bildirib ki, onun şirkətin "ABB-Moskva" ilə bir sıra kredit müqaviləsi var. Müqavilələrin ümumi dəyəri 4 mln. dollardır.

Mənbə: Apa.az

Ən sərfəli krediti almaq üçün müraciət et