ABŞ-ın xam neft ehtiyatları azalıb | Banco.az

ABŞ-ın xam neft ehtiyatları azalıb

ABŞ Enerji İnformasiya İdarəsi (EIA) ölkədəki kommersiya (satış üçün) xam neft ehtiyatlarının keçən həftə 2,7 milyon barel (0,6%) azalaraq 437,8 milyon barelə gerilədiyini açıqlayıb.

Proqnoz, ehtiyatların 1,9 milyon barel azalacağı istiqamətində idi. 

Xam neft ehtiyatlarında bir əvvəlki həftə 1,6 milyon barel artım qeyd edilmişdi.

Kommersiya xam neft ehtiyatlarına daxil olmayan strateji xam neft ehtiyatları isə keçən həftə dəyişiklik göstərməyib və 644,8 milyon bareldə qalıb.

Ən sərfəli kredit üçün müraciət et

ABŞ-ın benzin ehtiyatları keçən həftə 0,3 milyon barel artımla 234,1 milyon barelə yüksəlib. Benzin ehtiyatları bir əvvəlki həftə 1,4 milyon barel azalmışdı.

ABŞ-ın xam neft idxalı keçən həftə bir əvvəlki həftə ilə müqayisədə gündəlik ortalama 497 min barel azalma ilə 7,21 milyon barelə geriləyib, ixracı isə gündəlik ortalama 120 min barel artımla 2,80 milyon barelə yüksəlib.

10-16 Avqust həftəsində ABŞ-ın xam neft istehsalı gündəlik təxminən 12,3 milyon barel səviyyəsində reallaşıb.

marja

Ən sərfəli krediti almaq üçün müraciət et

Bank işi kursları

Banco Academy

Qeydiyyatdan keç