Bu il aprelin 1-nə olan vəziyyətə görə, Azərbaycanda fəaliyyət göstərən 30 bankdan 24-nin aktivlərində son 1 ildə qiymətli kağızlara investisiyalar olub ki, bunlardan da 11-də fond bazarında investisiyaların illik dinamikası mənfi olub.
Həmin banklar "Yapı Kredi Bank Azərbaycan", "AFB Bank", "Atabank", "Express Bank", "Bank BTB", "Nikoyl Bank", "Access Bank", "Ziraat Bank Azərbaycan", "Bank of Baku", "Turan Bank" və "Amrah Bank"dır. Ən çox azalma "Amrah Bank"da (100%), ən az azalma isə " Yapı Kredi Bank Azərbaycan"da (6,2%) qeydə alınıb.
11 bankda isə qiymətli fond bazarına investisiyalar artıb. Bunlar "PAŞA Bank", "Unibank", "Kapital Bank", "Bank Avrasiya", "Xalq Bank", "Bank Respublika", "Rabitəbank", Pakistan Milli Bankının Bakı filialı, "Azər-Türk Bank", "Azərbaycan Beynəlxalq Bankı" və İran Milli Bankının Bakı filialıdır. Ən yüksək dinamika "PAŞA Bank"da (5,2 dəfə), ən aşağı dinamika isə İran Milli Bankının Bakı filialında (3,8%) qeydə alınıb.
1 bankın - "Muğan Bank"ın qiymətli kağızlara investisiyaları dəyişməyib, 1 bank - "Bank VTB Azərbaycan" isə fond bazarında investisiya qoymağa yenicə başlayıb.
7 bank - AGBank", "Azərbaycan Sənaye Bankı", "Günay Bank", "Naxçıvan Bank", "NBC Bank" və "Premium Bank" isə son 1 ildə fond bazarına investisiya qoymayıb. Odur ki, bu bankların investisiyalarının dinamikasını hesablamaq mümkün olmayıb.
4 bankın qiymətli kağızlara investisiyaları 200 milyon manatdan çoxdur
Bu il yanvarın 1-nə olan vəziyyətə görə, Azərbaycanda fəaliyyət göstərən 30 bankdan 7-nin aktivlərində qiymətli kağızlara investisiyalar olmayıb.
Bunlar "AGBank", "Amrah Bank", "Azərbaycan Sənaye Bankı", "Günay Bank", "Naxçıvan Bank", "NBC Bank" və "Premium Bank"dır.
Digər 23 bank isə fond bazarına müxtəlif məbləğlərdə investisiyalar qoyub. Onlardan 4-də investisiyaların məbləği 200 milyon manardan çoxdur. Bunlar "PAŞA Bank" (1 605,403 milyon manat), "Azərbaycan Beynəlxalq Bankı" (1 191,575 milyon manat), "Kapital Bank" (820,155 milyon manat) və "Xalq Bank" (268,11 milyon manat).
Qiymətli kağızlara investisiyaların məbləği 12 bankda 10-100 milyon manat arasında, 7 bankda isə 10 milyon manatdan da azdır.
Renkinq.az
